3 мая, Мінск /Кар. БЕЛТА/. Аранжавы ўзровень небяспекі з-за моцнага ветру аб'яўлены ў Беларусі на 4 мая, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. Уначы на большай частцы тэрыторыі краіны пройдуць ападкі (дождж, мокры снег), удзень месцамі кароткачасовыя дажджы. Вецер прагназуецца заходні 5-10 м/с, у многіх раёнах з парывамі да 15-20 м/с.
Тэмпература паветра ўначы складзе ад мінус 1 да плюс 5, удзень - 9-15 градусаў цяпла.-0-
