Фота з архіва
2 мая, Мінск /Кар. БЕЛТА/. Аранжавы ўзровень небяспекі аб'яўлены ў Беларусі 3 мая з-за моцнага ветру, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
На большай частцы тэрыторыі краіны чакаецца ўзмацненне ветру да 15-20 м/с. Будзе пераважаць воблачнае надвор'е. Уначы на большай частцы тэрыторыі дажджы, месцамі моцныя, навальніцы. Раніцай і ўдзень у многіх раёнах кароткачасовыя дажджы, па паўночным захадзе магчымы мокры снег.
Уначы тэмпература паветра складзе 1-7 градусаў цяпла, па ўсходзе плюс 8-13. Удзень будзе 3-9 цяпла, у паўднёва-ўсходніх раёнах 10-13 градусаў вышэй за нуль.-0-
