6 жніўня, Мінск /Кар. БЕЛТА/. Аранжавы ўзровень небяспекі аб'яўлены па поўдні Беларусі 7 жніўня з-за гарачыні, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе невялікая воблачнасць і без ападкаў. Вецер прагназуецца паўночна-ўсходні, уначы слабы, удзень 3-8 м/с.
Тэмпература паветра ўначы складзе плюс 9-15, па поўдні краіны паветра прагрэецца да 19 градусаў вышэй за нуль. Удзень чакаецца плюс 25-30 градусаў.-0-