Аранжавы ўзровень небяспекі аб'яўлены на 31 жніўня з-за гарачыні

30 жніўня, Мінск /Кар. БЕЛТА/. Аранжавы ўзровень небяспекі аб'яўлены на 31 жніўня з-за гарачыні. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У суботу ў Беларусі будзе невялікая воблачнасць. Пераважна будзе без ападкаў, толькі днём па паўночным захадзе пройдуць кароткачасовыя дажджы, месцамі навальніцы. У начны і ранішні час у асобных раёнах чакаецца слабы туман. Вецер няўстойлівы, ноччу слабы, днём 3-8 м/с, пры навальніцах парывы да 14 м/с. Тэмпература паветра ўначы складзе плюс 14-19 градусаў, месцамі плюс 11-13, днём чакаецца ад 26 градусаў цяпла на паўночным захадзе і да плюс 33 на поўдні. У сувязі з высокімі тэмпературамі паветра ў дзённы час сіноптыкі папярэджваюць: аб'яўлены аранжавы ўзровень небяспекі.

Разам з тым неспрыяльныя гідраметэаралагічныя з'явы ў краіне будуць захоўвацца ўсе выхадныя. З-за сухога і гарачага надвор'я і высокай пажаранебяспекі на 31 жніўня - 2 верасня аб'яўлены чырвоны ўзровень. На большай частцы тэрыторыі Гомельскай вобласці чакаецца надзвычайная пажарная небяспека (5-ы клас).-0-