18 студзеня, Мінск /Кар. БЕЛТА/. Аранжавы ўзровень небяспекі аб'яўлены на 18 студзеня з-за марозу, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Месцамі пройдзе невялікі снег. На асобных участках дарог - галалёдзіца. Вецер будзе няўстойлівы слабы да ўмеранага.
Тэмпература паветра ўначы складзе 23-29 градусаў марозу, месцамі - мінус 17-22. Удзень будзе 11-17 ніжэй за нуль, у асобных раёнах - 18-20 градусаў марозу.-0-