Скрыншот відэа Дома прэсы
3 снежня, Мінск /Кар. БЕЛТА/. Апраўдвальнасць кароткатэрміновых прагнозаў надвор'я ў Беларусі перасягае 97 працэнтаў. Аб гэтым паведаміў на прэс-канферэнцыі начальнік галоўнага ўпраўлення экалагічнай палітыкі, міжнароднага супрацоўніцтва і навукі Міністэрства прыродных рэсурсаў і аховы навакольнага асяроддзя Раман Лабазнаў, перадае карэспандэнт БЕЛТА.
"Вынікам праведзенай Белгідраметам работы з'яўляецца падтрыманне апраўдвальнасці прагнозаў надвор'я на высокім узроўні. За бягучы перыяд 2024 года апраўдвальнасць прагнозаў склала: на наступныя суткі - 98,1 працэнта, на другія і трэція суткі - 97,4 працэнта. У агульнасусветнай практыцы прымальнымі і паспяховымі лічацца кароткатэрміновыя прагнозы надвор'я з апраўдвальнасцю большай за 85 працэнтаў. Высокі ўзровень прафесіяналізму нашых сіноптыкаў пацвярджаецца аб'ектыўнымі паказчыкамі", - сказаў Раман Лабазнаў.
Паводле яго слоў, мадэрнізацыя і аўтаматызацыя сеткі назіранняў Белгідрамета пачалася ў 2018 годзе пры падтрымцы кіраўніка дзяржавы. "За некалькі гадоў мы атрымалі ультрасучасную сетку назіранняў з сучаснымі сродкамі перадачы даных, іх захоўвання і аўтаматызацыі. Калі да мадэрнізацыі на сетцы налічвалася 51 метэаралагічная станцыя, то цяпер у нас ужо 68 пунктаў назірання, з іх дзевяць - на тэрыторыі Мінска. У сталіцы столькі пунктаў неабходна, каб мець поўную і аб'ектыўную карціну ў розных частках горада, сачыць за змяненнямі характарыстык неспрыяльных і небяспечных з'яў, праходжанне навальнічных франтоў, адзначаць кліматычныя змены. Белгідрамет пашырае сетку назіранняў як у цэлым па краіне, так і на тэрыторыі вялікіх населеных пунктаў", - адзначыў прадстаўнік Мінпрыроды.
Ён адзначыў, што работа па развіцці сеткі прыземных метэаралагічных назіранняў, павелічэнні колькасці пунктаў назіранняў на гэтым не спынена і будзе прадаўжацца. Напрыклад, у наступным годзе ў рамках дзяржаўнай праграмы плануецца ўстаноўка яшчэ пяці аўтаматычных метэаралагічных станцый.
Таксама ў наступным годзе спецыялістамі Белгідрамета будзе выканана навуковае даследаванне, вынікам якога стане абгрунтаванне пашырэння сеткі назіранняў, месцаў устаноўкі новых пунктаў. Гэтыя прапановы будуць пакладзены ў аснову пры распрацоўцы дзяржаўнай праграмы "Ахова навакольнага асяроддзя і ўстойлівае выкарыстанне прыродных рэсурсаў" на 2026-2030 гады і пры фарміраванні Дзяржаўнай інвестыцыйнай праграмы.
Стварэнне сеткі доплераўскіх метэаралагічных лакатараў таксама значна павышае эфектыўнасць работы Белгідрамета і службы прагнозаў і з'яўляецца важным для забеспячэння грамадзянскай авіяцыі, падкрэсліў Раман Лабазнаў.-0-
"Вынікам праведзенай Белгідраметам работы з'яўляецца падтрыманне апраўдвальнасці прагнозаў надвор'я на высокім узроўні. За бягучы перыяд 2024 года апраўдвальнасць прагнозаў склала: на наступныя суткі - 98,1 працэнта, на другія і трэція суткі - 97,4 працэнта. У агульнасусветнай практыцы прымальнымі і паспяховымі лічацца кароткатэрміновыя прагнозы надвор'я з апраўдвальнасцю большай за 85 працэнтаў. Высокі ўзровень прафесіяналізму нашых сіноптыкаў пацвярджаецца аб'ектыўнымі паказчыкамі", - сказаў Раман Лабазнаў.
Паводле яго слоў, мадэрнізацыя і аўтаматызацыя сеткі назіранняў Белгідрамета пачалася ў 2018 годзе пры падтрымцы кіраўніка дзяржавы. "За некалькі гадоў мы атрымалі ультрасучасную сетку назіранняў з сучаснымі сродкамі перадачы даных, іх захоўвання і аўтаматызацыі. Калі да мадэрнізацыі на сетцы налічвалася 51 метэаралагічная станцыя, то цяпер у нас ужо 68 пунктаў назірання, з іх дзевяць - на тэрыторыі Мінска. У сталіцы столькі пунктаў неабходна, каб мець поўную і аб'ектыўную карціну ў розных частках горада, сачыць за змяненнямі характарыстык неспрыяльных і небяспечных з'яў, праходжанне навальнічных франтоў, адзначаць кліматычныя змены. Белгідрамет пашырае сетку назіранняў як у цэлым па краіне, так і на тэрыторыі вялікіх населеных пунктаў", - адзначыў прадстаўнік Мінпрыроды.
Ён адзначыў, што работа па развіцці сеткі прыземных метэаралагічных назіранняў, павелічэнні колькасці пунктаў назіранняў на гэтым не спынена і будзе прадаўжацца. Напрыклад, у наступным годзе ў рамках дзяржаўнай праграмы плануецца ўстаноўка яшчэ пяці аўтаматычных метэаралагічных станцый.
Таксама ў наступным годзе спецыялістамі Белгідрамета будзе выканана навуковае даследаванне, вынікам якога стане абгрунтаванне пашырэння сеткі назіранняў, месцаў устаноўкі новых пунктаў. Гэтыя прапановы будуць пакладзены ў аснову пры распрацоўцы дзяржаўнай праграмы "Ахова навакольнага асяроддзя і ўстойлівае выкарыстанне прыродных рэсурсаў" на 2026-2030 гады і пры фарміраванні Дзяржаўнай інвестыцыйнай праграмы.
Стварэнне сеткі доплераўскіх метэаралагічных лакатараў таксама значна павышае эфектыўнасць работы Белгідрамета і службы прагнозаў і з'яўляецца важным для забеспячэння грамадзянскай авіяцыі, падкрэсліў Раман Лабазнаў.-0-
Падпісвайцеся на нас у
