Апостальскі нунцый у Рэспубліцы Беларусь Антэ Ёзіч
23 жніўня, Мінск /Кар. БЕЛТА/. Па выніках сустрэчы з кіраўніком беларускай дзяржавы Апостальскі нунцый у Рэспубліцы Беларусь Антэ Ёзіч, які завяршае сваю дыпламатычную місію ў нашай краіне, адзначыў, што яму было важна лепш пазнаёміцца з беларускім народам і яго традыцыямі, перадае карэспандэнт БЕЛТА.
Прадстаўнік Ватыкана расказаў аб праведзеных перагаворах: "Мы гаварылі аб маёй рабоце за чатыры гады, аб розных падзеях унутры царквы, дзяржаве і вакол Беларусі".
Апостальскі нунцый таксама прадоўжыў: "Я ўдзячны дзяржаве, што мне далі магчымасць працаваць у гэтай краіне, дзе я быў амаль чатыры гады, і гэта работа - не толькі для нашай Каталіцкай царквы, а і на карысць грамадства, вашага народа. Я рады, што была магчымасць працаваць, даведацца больш пра ваш народ, мову, культуру і разам з дзяржавай вырашаць розныя канкрэтныя пытанні - праблемы Царквы, свяшчэннаслужыцеляў, вернікаў і іншыя пытанні, якія нам удалося вырашыць".
"Вядома, складаны быў час. Але гэта таксама для мяне быў вялікі выклік - прыкласці ўсе свае намаганні на карысць людзей", - сказаў Антэ Ёзіч.
Рымска-каталіцкая царква ў Рэспубліцы Беларусь з'яўляецца другой канфесіяй па колькасці вернікаў. Дыпламатычныя адносіны паміж Рэспублікай Беларусь і Святым прастолам устаноўлены 11 лістапада 1992 года. У Мінску дзейнічае Апостальская нунцыятура. Аляксандр Лукашэнка двойчы наведваў Ватыкан з афіцыйнымі візітамі - у 2009 і 2016 гадах. У 2016 годзе Прэзідэнтам агучана запрашэнне Папу Рымскаму наведаць Беларусь. У 2008-2023 гадах Мінск 12 разоў наведалі прадстаўнікі кіраўніцтва Рымскай курыі, у тым ліку двойчы на ўзроўні дзяржаўных сакратароў Святога прастола, якія былі прыняты кіраўніком дзяржавы. У кастрычніку 2017 года з удзелам намесніка дзяржсакратара Джавані Бечу адбылося афіцыйнае адкрыццё новага будынка Апостальскай нунцыятуры ў Мінску, прымеркаванае да 25-годдзя дыпламатычных адносін паміж Рэспублікай Беларусь і Святым прастолам. У лістападзе - снежні 2022 года Ватыканам праведзены шэраг мерапрыемстваў у Мінску да 30-годдзя дыпламатычных адносін - святочны прыём, гашэнне спецыяльна выпушчанай сумеснай паштовай маркі, прэзентацыя падрыхтаванага ватыканскім бокам перакладу на беларускую мову кодэкса Кананічнага права. Высокія прадстаўнікі Ватыкана рэгулярна ўдзельнічаюць ва ўрачыстых мерапрыемствах з нагоды знакавых дат, звязаных з каталіцтвам у Беларусі.
Прадстаўнік Ватыкана расказаў аб праведзеных перагаворах: "Мы гаварылі аб маёй рабоце за чатыры гады, аб розных падзеях унутры царквы, дзяржаве і вакол Беларусі".
Апостальскі нунцый таксама прадоўжыў: "Я ўдзячны дзяржаве, што мне далі магчымасць працаваць у гэтай краіне, дзе я быў амаль чатыры гады, і гэта работа - не толькі для нашай Каталіцкай царквы, а і на карысць грамадства, вашага народа. Я рады, што была магчымасць працаваць, даведацца больш пра ваш народ, мову, культуру і разам з дзяржавай вырашаць розныя канкрэтныя пытанні - праблемы Царквы, свяшчэннаслужыцеляў, вернікаў і іншыя пытанні, якія нам удалося вырашыць".
"Вядома, складаны быў час. Але гэта таксама для мяне быў вялікі выклік - прыкласці ўсе свае намаганні на карысць людзей", - сказаў Антэ Ёзіч.
Рымска-каталіцкая царква ў Рэспубліцы Беларусь з'яўляецца другой канфесіяй па колькасці вернікаў. Дыпламатычныя адносіны паміж Рэспублікай Беларусь і Святым прастолам устаноўлены 11 лістапада 1992 года. У Мінску дзейнічае Апостальская нунцыятура. Аляксандр Лукашэнка двойчы наведваў Ватыкан з афіцыйнымі візітамі - у 2009 і 2016 гадах. У 2016 годзе Прэзідэнтам агучана запрашэнне Папу Рымскаму наведаць Беларусь. У 2008-2023 гадах Мінск 12 разоў наведалі прадстаўнікі кіраўніцтва Рымскай курыі, у тым ліку двойчы на ўзроўні дзяржаўных сакратароў Святога прастола, якія былі прыняты кіраўніком дзяржавы. У кастрычніку 2017 года з удзелам намесніка дзяржсакратара Джавані Бечу адбылося афіцыйнае адкрыццё новага будынка Апостальскай нунцыятуры ў Мінску, прымеркаванае да 25-годдзя дыпламатычных адносін паміж Рэспублікай Беларусь і Святым прастолам. У лістападзе - снежні 2022 года Ватыканам праведзены шэраг мерапрыемстваў у Мінску да 30-годдзя дыпламатычных адносін - святочны прыём, гашэнне спецыяльна выпушчанай сумеснай паштовай маркі, прэзентацыя падрыхтаванага ватыканскім бокам перакладу на беларускую мову кодэкса Кананічнага права. Высокія прадстаўнікі Ватыкана рэгулярна ўдзельнічаюць ва ўрачыстых мерапрыемствах з нагоды знакавых дат, звязаных з каталіцтвам у Беларусі.
Падыходы Беларусі і Святога прастола па ключавых пытаннях сусветнага парадку дня ў многім супадаюць - неабходнасць рэфармавання Хельсінкскага пакта, надзеі на адраджэнне прынцыпу шматбаковасці і бесстароннасці ў дзейнасці ААН, каштоўнасць дыялогу як адзінага правільнага шляху вырашэння канфліктных сітуацый, разуменне, што тэматыка харчовай бяспекі павінна стаяць вышэй за палітычную кан'юнктуру. Плённа развіваюцца кантакты Мінска і Ватыкана ў рамках ААН, дзе прыярытэтнымі пытаннямі ўзаемадзеяння з'яўляюцца сумесныя намаганні па барацьбе з гандлем людзьмі, абарона традыцыйнай сям'і і сямейных каштоўнасцей.-0-
Падпісвайцеся на нас у
