Бой за Лепель. 1944 год
25 чэрвеня быў узяты ў кальцо і ў хуткім часе разгромлены Віцебскі ўмацраён. Войскі 1-га Прыбалтыйскага фронту сумесна з войскамі 3-га Беларускага фронту да 25 чэрвеня акружылі на захад ад Віцебска 5 варожых дывізій і да 27 чэрвеня ліквідавалі іх. Галоўныя сілы фронту 28 чэрвеня авалодалі Лепелем.
Каля 8000 нямецкіх салдат змаглі вырвацца з кальца, але зноў былі акружаны - і капітулявалі. Усяго пад Віцебскам загінулі каля 20 тысяч нямецкіх салдат і афіцэраў, каля 10 тысяч трапілі ў палон.-0-
