10 жніўня, Мінск /Кар. БЕЛТА/. Антыцыклон "Эміль" прынясе ў Беларусь пахаладанне, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"У панядзелак, 10 жніўня, у Беларусі захаваецца камфортнае цёплае надвор'е. Месцамі пройдуць кароткія летнія дажджы з навальніцамі. Удзень будзе плюс 24-30 градусаў", - сказалі ў Белгідрамеце.
У аўторак, 11 жніўня, праз тэрыторыю краіны будзе перамяшчацца малаактыўны атмасферны фронт. У сувязі з гэтым тэмпература пачне пакрыху зніжацца. Уначы будзе 11-17 градусаў вышэй за нуль, удзень - ад плюс 19 на поўначы да 28 градусаў цяпла па поўдні краіны. Ападкаў будзе няшмат, толькі месцамі, у асноўным па поўдні краіны, пройдуць кароткачасовыя дажджы з навальніцамі.
"У сярэдзіне тыдня фон атмасфернага ціску вырасце. Уладу над надвор'ем атрымае чарговы антыцыклон, якому нямецкія метэаролагі далі імя "Эміль". Гэты антыцыклон сфарміраваны ў халаднаватым паветры. Таму тэмпература ў начны час будзе зніжацца да 7-14 градусаў вышэй за нуль, а ў ноч на чацвер, 13 жніўня, - да плюс 5-10. У разгар дня прагназуем ад плюс 16 па паўночным усходзе да 24-25 градусаў цяпла па паўднёвым захадзе Беларусі", - адзначылі ў Белгідрамеце.
Такі тэмпературны рэжым будзе на 2-3 градусы ніжэйшы за кліматычную норму для сярэдзіны жніўня. У многіх рэгіёнах краіны абыдзецца без ападкаў.-0-
