12 лютага, Мінск /Кар. БЕЛТА/. Выбарчая кампанія ў Беларусі праходзіць спакойна. Аб гэтым расказаў кіраўнік штаба місіі наглядальнікаў ад СНД Леанід Анфімаў у эфіры тэлеканала СТБ, паведамляе БЕЛТА.
"Вельмі спакойна праходзіць гэта выбарчая кампанія. Кратна, у разы зменшылася колькасць скаргаў. У Вярхоўны Суд паступіла ўсяго шэсць заяў. Мы разбіралі падрабязна гэтыя заявы, яны не зусім абгрунтаваныя, і цалкам заканамерна, што ў іх задавальненні было адмоўлена заяўнікам", - сказаў Леанід Анфімаў.
Паводле яго слоў, у Генеральную пракуратуру паступіла ўсяго толькі дзве заявы, якія больш маюць тэндэнцыйны характар. "Больш даецца нават не скарга, а ацэнка дзеючага выбарчага заканадаўства Беларусі і парадку вылучэння кандыдатаў у дэпутаты", - адзначыў ён.
Леанід Анфімаў удакладніў, што ў місію наглядальнікаў ад СНД ужо зарэгістраваны 186 чалавек. "Хоць мы раней анансавалі, што будзе недзе 150 чалавек. Гэта лічба ўжо даўно перавышана, таму што, сапраўды, такую непадробленую цікавасць у краін СНД выклікаюць гэтыя выбары ў Беларусі. Напэўна, людзі хочуць на ўласныя вочы пераканацца, наколькі спакойна ў нас у нас краіне жывецца простаму грамадзяніну", - расказаў кіраўнік штаба місіі.
"У прафесійным плане місія наглядальнікаў прадстаўлена кіраўнікамі і членамі цэнтральных выбарчых камісій краін СНД, прадстаўнікамі дзяржаўных органаў і кіраўнікамі шэрага дзяржорганаў, дэпутатамі парламента. Прафесійны склад з даволі высокім узроўнем кампетэнцый", - падкрэсліў Леанід Анфімаў.-0-
