ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Грамадства
23 чэрвеня 2022, 13:35

Андрэйчанка: унясенне змяненняў у Кодэкс аб зямлі будзе садзейнічаць развіццю сельскіх тэрыторый

23 чэрвеня, Бялынічы /Кар. БЕЛТА/. Унясенне змяненняў і дапаўненняў у Кодэкс аб зямлі будзе садзейнічаць развіццю сельскіх тэрыторый. Такое меркаванне выказаў старшыня Палаты прадстаўнікоў Уладзімір Андрэйчанка падчас семінара-нарады на тэму "Абноўлены Кодэкс аб зямлі. Сучасныя падыходы вырашэння праблем", які праходзіць у Бялынічах.

"Гістарычна так склалася, што зямельныя пытанні з'яўляюцца найважнейшымі для беларусаў. Таму што зямля - аснова дабрабыту нашых людзей і моц любой дзяржавы. У нас з'явілася неабходнасць карэкціроўкі нашага зямельнага заканадаўства. І такая задача была пастаўлена перад дэпутатамі Прэзідэнтам нашай краіны ў лютым бягучага года, - адзначыў Уладзімір Андрэйчанка. - Была праведзена вельмі вялікая работа, толькі пасяджэнняў рабочых груп было 14 да гэтага. Таму ўнясенне змяненняў і дапаўненняў у Кодэкс аб зямлі будзе садзейнічаць перш за ўсё развіццю сельскіх тэрыторый, уключэнню ў абарот нявыкарыстанай зямлі, зняццю многіх бюракратычных працэдур, якія на сённяшні дзень ёсць у зямельных адносінах. І, вядома, значная частка паўнамоцтваў будзе перадавацца зверху ўніз".

"Сёння вырашылі сустрэцца з людзьмі, якія займаюцца непасрэдна гэтымі пытаннямі: старшыні сельскіх Саветаў, дэпутаты, кіраўнікі сельскагаспадарчых арганізацый, кіраўнікі раёнаў. Ім бліжэй за ўсё гэтыя пытанні, яны ведаюць вузкія месцы, якія сёння трэба расшыраць. І, вядома, сёння мы чакаем, што атрымаем ад іх яшчэ нейкія дадатковыя пытанні і прапановы, якія трэба ўлічыць пры разглядзе кодэкса ў другім чытанні", - адзначыў ён.

Удзельнікамі семінара-нарады сталі намеснік старшыні Палаты прадстаўнікоў Валерый Міцкевіч, кіраўнікі пастаянных камісій парламента, кіраўніцтва Дзяржаўнага камітэта па маёмасці і прадстаўнікі падначаленых яму арганізацый, прадстаўнікі мясцовых органаў кіравання і самакіравання Магілёўскай вобласці.

Як падкрэсліў намеснік старшыні Дзяржаўнага камітэта па маёмасці Мікалай Бобер, у краіне з'явілася неабходнасць, каб заканадаўчыя нормы адпавядалі запатрабаванням часу. "Асноўныя нормы нацэлены на тое, каб уключыць у грамадзянскі абарот невыкарыстоўваемыя землі ў сельскіх населеных пунктах, каб даць магчымасць нашым грамадзянам рэалізоўваць свае правы ў поўным аб'ёме пры выкарыстанні прадастаўленых зямельных участкаў, а органам выканаўчай улады - мець дзейсныя механізмы, якія дадуць магчымасць эфектыўна рэгуляваць зямельныя адносіны і вырашаць пытанні нашых грамадзян", - падкрэсліў ён.

Мікалай Бобер прывёў прыклады, якія менавіта будуць змяненні ў зямельным заканадаўстве. "Напрыклад, у грамадзян ёсць неабходнасць у дадатковым зямельным участку. Згодна з дзеючым заканадаўствам прадастаўленне дадатковага ўчастка ў нас магчыма толькі пад рэканструкцыю асноўнага будынка - дома. Або праз аўкцыён, што не заўсёды апраўдана: чалавек хоча ўзвесці нейкую гаспадарчую пабудову ці ёсць магчымасць расшырыць зямельны ўчастак за кошт зямель населенага пункта, якія пакуль не выкарыстоўваюцца. Таму мы ўводзім норму прадастаўляць дадатковы зямельны ўчастак для гэтых мэт без аўкцыёну і для мэт, проста звязаных з выкарыстаннем зямельнага ўчастка па асноўным прызначэнні, - расказаў ён. - Павінны выконвацца пэўныя рэгламенты забудовы, але, у прынцыпе, такіх строгіх патрабаванняў, як праз аўкцыён або толькі пад рэканструкцыю, ужо не будзе".

Як падкрэсліў Мікалай Бобер, пры распрацоўцы дапаўненняў і змяненняў у Кодэкс аб зямлі вывучаліся патрэбнасці грамадзян, іх звароты па зямельных пытаннях. "Максімальна стараліся распрацаваць кодэкс такім чынам, каб вырашаць пытанні нашых грамадзян", - адзначыў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі