ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Грамадства
07 ліпеня 2022, 13:48

Андрэйчанка: стаіць задача да канца 2023 года прывесці ўсе законы ў адпаведнасць з новай Канстытуцыяй

Уладзімір Андрэйчанка
Уладзімір Андрэйчанка

7 ліпеня, Мінск /Кар. БЕЛТА/. Перад Палатай прадстаўнікоў Нацыянальнага сходу стаіць задача ў 2022-2023 гадах прывесці ўсе законы ў адпаведнасць з новай Канстытуцыяй. Аб гэтым паведаміў журналістам старшыня ніжняй палаты парламента Уладзімір Андрэйчанка пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Паводле яго слоў, у Палаце прадстаўнікоў у сувязі з прыняццем новай Канстытуцыі плануецца разгледзець 90 законапраектаў, з якіх прыняты ў першым чытанні 8, у другім - 17. "Мы павінны ўвесь гэты масіў разгледзець да 1 студзеня 2024 года з такім разлікам, каб 25 лютага 2024 года быў праведзены адзіны дзень галасавання па выбарах дэпутатаў Палаты прадстаўнікоў, дэпутатаў мясцовых Саветаў дэпутатаў, і на працягу 60 дзён пасля гэтага быў праведзены Усебеларускі народны сход", - сказаў Уладзімір Андрэйчанка.

За мінулую сесію, паводле яго даных, дэпутаты разгледзелі 60 пытанняў. "Не менш напружаная работа чакаецца і на чарговай, 9-й сесіі. Вельмі шырокі спектр пытанняў. Гэта і прывядзенне заканадаўства ў адпаведнасць з Канстытуцыяй, і вырашэнне шэрага эканамічных пытанняў, і пытанні пераразмеркавання паўнамоцтваў паміж дзяржаўнымі органамі", - адзначыў Уладзімір Андрэйчанка.

Перад парламентарыямі будзе стаяць задача захаваць набраны тэмп, і менавіта на гэта арыентаваў кіраўнік дзяржавы ў час сустрэчы са старшынёй Палаты прадстаўнікоў, расказаў спікер ніжняй палаты парламента.

"Асаблівая ўвага будзе ўдзелена распрацоўцы новых законапраектаў, такіх як праект закона аб Усебеларускім народным сходзе, грамадзянскай супольнасці, змяненні і дапаўненні ў Грамадзянскі кодэкс. Гэта работа сёння вядзецца. Падрыхтаваны ўжо варыянт закона аб УНС, ён праходзіць узгадненне. Думаю, пасля разгляду ў Прэзідэнта гэты законапраект у верасні будзе прыняты ў першым чытанні", - праінфармаваў Уладзімір Андрэйчанка.

Паводле яго слоў, кіраўнік дзяржавы таксама звярнуў увагу на ўсебаковае абмеркаванне гэтых законапраектаў і арыентаваў дэпутатаў на тое, каб яны "выкарыстоўвалі добрую традыцыю народнай заканатворчасці, якая была ў час абмеркавання праекта новай Канстытуцыі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі