25 студзеня, Мінск /Кар. БЕЛТА/. Мы павінны як адна дружная, з'яднаная беларуская сям'я прыйсці на рэферэндум. Аб гэтым заявіла журналістам намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Лілія Ананіч, перадае карэспандэнт БЕЛТА.
"Напярэдадні рэферэндуму я хацела б пажадаць усім нашым грамадзянам, тым, хто яшчэ не вызначыўся, - абавязкова пайсці на рэферэндум. А яшчэ хачу пажадаць, каб мы ў дзень рэферэндуму 27 лютага як адна дружная, з'яднаная беларуская сям'я прыйшлі на гэты найважнейшы грамадска-палітычны этап, адрэагавалі сваім голасам. І толькі так мы можам быць упэўнены, што Беларусь захаваецца такой, якой яе любяць і ведаюць у свеце. Калі кожны чалавек будзе адказны і за свой лёс, і за сваю краіну", - сказала Лілія Ананіч.
Дэпутат упэўнена, што дзень рэферэндуму стане важнай падзеяй у жыцці краіны. "Я ўпэўнена, у нас у краіне ў гэты дзень будзе проста добрае свята, свята настрою. Таму што калі збіраюцца аднадумцы - на ўчастку або разам - гэта будзе яшчэ адна шчаслівая старонка ў жыцці нашай дзяржавы Рэспублікі Беларусь", - дадала яна.-0-
