6 жніўня, Мінск /Кар. БЕЛТА/. У Беларусі праводзіцца работа па пераглядзе актаў Саўміна, падпарадкаваных яму рэспубліканскіх органаў дзяржкіравання, мясцовых выканаўчых і распарадчых органаў для выключэння з іх устарэлых або празмерных бюракратычных патрабаванняў, невыкананне якіх прыводзіць да адміністрацыйнай адказнасці і іншых негатыўных наступстваў. Аб гэтым БЕЛТА паведамілі ў прэс-службе Мінюста.
Прапановы аб розных праблемных аспектах практычнага прымянення гэтых актаў заканадаўства прымаюцца ад грамадзян і арганізацый. Работа вядзецца для комплекснага ўдасканалення заканадаўства і ў развіццё новых Кодэкса аб адміністрацыйных правапарушэннях і Працэсуальна-выканаўчага кодэкса аб адміністрацыйных правапарушэннях.
Атрыманыя матэрыялы будуць прааналізаваны і ўлічаны пры падрыхтоўцы праектаў пастаноў урада і адпаведных актаў рэспубліканскіх органаў дзяржаўнага кіравання і мясцовых выканаўчых і распарадчых органаў.
Вывучаць прапановы будуць зацікаўленыя дзяржорганы па галіновай кампетэнцыі. Каардынуе работу Міністэрства юстыцыі.
Прапановы можна накіроўваць да 15 жніўня 2020 года ў выглядзе паведамленняў у спецыяльнай тэме на Прававым форуме Беларусі.-0-