ДЗЯРЖОРГАНЫДЗЯРЖОРГАНЫ
Пятніца, 4 снежня 2020
Мінск Суцэльная воблачнасць 0°C
Усе навіны
Усе навіны
Грамадства
26 кастрычніка 2020, 14:52

Акцыя "Дзеці і бяспека" пачнецца на БЧ 28 кастрычніка

Фота з архіва
Фота з архіва

26 кастрычніка, Мінск /Кар. БЕЛТА/. Акцыя "Дзеці і бяспека" пройдзе на Беларускай чыгунцы з 28 кастрычніка па 8 лістапада, паведамілі БЕЛТА ў прэс-цэнтры БЧ.

"Напярэдадні школьных асенніх канікул Беларуская чыгунка ўзмоцніць кантроль за выкананнем мер бяспекі непаўналетнімі на аб'ектах чыгуначнага транспарту. Работнікі БЧ разам з членамі грамадскіх фарміраванняў, супрацоўнікамі органаў унутраных спраў удзеляць асаблівую ўвагу дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў паяздах", - паведамілі ў прэс-цэнтры.

На вакзалах і ў паяздах грамадзян дадаткова праінфармуюць аб мерах бяспекі на аб'ектах чыгуначнага транспарту.

За дзевяць месяцаў бягучага года зафіксавана 69 выпадкаў невытворчага траўматызму, што на 8 выпадкаў менш, чым за аналагічны перыяд 2019 года, колькасць пацярпелых непаўналетніх у гэтым годзе склала тры чалавекі (двое загінулі, адзін траўміраваны) супраць шасці ў 2019-м.

Спецыялісты БЧ звяртаюць увагу: падлеткі з-за музыкі ў навушніках могуць не пачуць сігнал надыходзячага поезда, да трагедыі могуць прывесці і жаданне зрабіць сэлфі на небяспечных аб'ектах транспарту, перабяганне пуцей або знаходжанне на чыгуначным мосце, даху вагона.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі