Мабільная версія
ДЗЯРЖОРГАНЫ

Апошнія навіны
Усе навіны

Акцыя "Чысты лес" пройдзе ў Беларусі 19 кастрычніка

Грамадства 08.10.2019 | 18:32
Фота з архіва
Фота з архіва

8 кастрычніка, Мінск /Кар. БЕЛТА/. Рэспубліканская добраахвотная акцыя "Чысты лес" пройдзе ў Беларусі 19 кастрычніка, паведамілі БЕЛТА ў прэс-службе Міністэрства лясной гаспадаркі.

Кампанія па навядзенні парадку ў лясным фондзе будзе прымеркавана да Года малой радзімы. На працягу дня валанцёры змогуць дапамагчы лясгасам у ліквідацыі несанкцыянаваных звалак будаўнічых і бытавых адходаў, прыбіранні пабочных прадметаў у лясах, якія прымыкаюць да аўтамабільных дарог і чыгунак, вакол населеных пунктаў, садоўніцкіх таварыстваў і дачных кааператываў. Асаблівая ўвага будзе ўдзелена месцам масавага адпачынку, а таксама памятным аб'ектам.

Каб стаць удзельнікам акцыі, дастаткова звярнуцца ў лясніцтва і заявіць аб сваім жаданні дапамагчы ў навядзенні парадку ў лесе. Арганізацыі Міністэрства лясной гаспадаркі забяспечаць усіх удзельнікаў акцыі неабходным інвентаром. "Асаблівая ўвага будзе ўдзелена падрастаючаму пакаленню. Кожны школьнік, які прыняў удзел у акцыі, атрымае ад лесагаспадарчых устаноў сувенір. Такім чынам Міністэрства лясной гаспадаркі спадзяецца выхаваць у маладога пакалення беражлівае стаўленне да важнейшага прыроднага рэсурсу краіны", - адзначылі ў прэс-службе.

Упершыню акцыя "Чысты лес" была праведзена ў 2010 годзе. За гэты час у ёй паўдзельнічалі сотні тысяч дабравольцаў. Акцыю актыўна падтрымліваюць мясцовыя выканаўчыя органы ўлады, дзяржаўныя, грамадскія і камерцыйныя арганізацыі, школы, ВНУ і іншыя ўстановы краіны.

Штогод арганізацыі сістэмы Мінлясгаса накіроўваюць значныя сілы і сродкі на навядзенне парадку ў лясах. Так, толькі ў 2018 годзе лясгасамі было добраўпарадкавана 145 месцаў адпачынку, прыбрана 9,5 тыс. кубаметраў бытавога смецця ўздоўж аўтамабільных дарог, садоўніцкіх таварыстваў і населеных пунктаў, расчышчана звыш 750 км квартальных прасек.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Тэмпературныя рэкорды Беларусі 14 кастрычніка былі пабіты тэмпературныя рэкорды ў Мінску і ва ўсіх абласных цэнтрах, акрамя Брэста.