19 верасня, Мінск /Кар. БЕЛТА/. Савет Міністраў прыняў пастанову нумар 630 ад 18 верасня 2019 года, якой прадугледжана павышэнне тарыфных ставак (акладаў) некаторых катэгорый педработнікаў на 20 працэнтаў, паведамляе БЕЛТА са спасылкай на Нацыянальны прававы інтэрнэт-партал.
Размова ідзе пра педагогаў устаноў адукацыі (структурных, адасобленых падраздзяленняў), што фінансуюцца з бюджэту, знаходзяцца па-за сельскай мясцовасці, калі працоўнае месца педагогаў пры гэтым размешчана ў сельскай мясцовасці; педагогаў адасобленых падраздзяленняў устаноў адукацыі, што фінансуюцца з бюджэту, знаходзяцца ў сельскай мясцовасці; а таксама прыёмных бацькоў, бацькоў-выхавальнікаў, чыё працоўнае месца таксама знаходзіцца ў вёсцы.
Пастанова ўступае ў сілу пасля афіцыйнага апублікавання.
Дакумент распаўсюджвае сваё дзеянне на адносіны, што ўзніклі з 1 верасня 2019 года, і дзейнічае да 31 снежня бягучага года.-0-
