22 лістапада, Мінск /Кар. БЕЛТА/. Урад ставіць перад сабой задачу зрабіць істотны рывок у вытворчасці аграпрамысловай прадукцыі. Аб гэтым заявіў прэм'ер-міністр Раман Галоўчанка ў час наведвання Інстытута мікрабіялогіі Нацыянальнай акадэміі навук, перадае карэспандэнт БЕЛТА.
Мікрабіялогія - гэта адно з пытанняў забеспячэння навуковага і тэхналагічнага суверэнітэту Беларусі, падкрэсліў Раман Галоўчанка. "Інстытут мікрабіялогіі НАН працуе па некалькіх напрамках, якія з'яўляюцца вельмі важнымі для нацыянальнай эканомікі, для нашага сацыяльна-эканамічнага развіцця. У першую чаргу сёння шмат пра гэта гаварылася: мы ставім перад сабой задачы істотнага рыўка ў вытворчасці аграпрамысловай прадукцыі, у прыватнасці малака і малочных прадуктаў, якія будуць з яго атрымлівацца. Для гэтага, вядома, трэба забяспечыць галіну жывёлагадоўлі высокаэфектыўнымі і высокаэнергетычнымі кармамі. Без гэтага такі скачок зрабіць немагчыма, - упэўнены ён. - Каб былі кармы, іх трэба не проста нарыхтаваць, іх трэба захаваць".
Паводле слоў прэм'ер-міністра, гэтай мэты складана дабіцца без выкарыстання сучасных кармавых дабавак. "Сёння якраз вучоныя інстытута працуюць над гэтай тэматыкай і не проста працуюць, але ўжо маюць гатовыя прадукты, якія актыўна выкарыстоўваюцца цяпер у нашых сельскагаспадарчых арганізацыях", - сказаў Раман Галоўчанка.
Такіх прэпаратаў на рынку нямала, прадоўжыў ён. "Ёсць і імпартныя, ёсць і іншыя вытворцы, у тым ліку прыватнай формы ўласнасці. Але як мне сёння паведамілі, адметнай асаблівасцю гэтага інстытута з'яўляецца тое, што іх дабаўкі вырабляюцца на айчынных мікраарганізмах, якія былі выдзелены з розных рэгіёнаў Беларусі, і таму маюць высокую эфектыўнасць, - звярнуў увагу Раман Галоўчанка. - Таму кармавыя дабаўкі і дабаўкі для паляпшэння фізіялагічных працэсаў жывёл пры харчаванні - гэта вельмі важная тэма. Важна, што мы займаемся і маем нядрэнныя вынікі".
Далей - медыцына. "Ёсць вельмі сур'ёзныя напрацоўкі, і ў бліжэйшы час чакаем завяршэння выпрабаванняў па рэвалюцыйных прэпаратах для лячэння вельмі важных захворванняў. Спадзяюся, што яны пройдуць паспяхова", - адзначыў прэм'ер-міністр.
Мікрабіялогія - гэта адно з пытанняў забеспячэння навуковага і тэхналагічнага суверэнітэту Беларусі, падкрэсліў Раман Галоўчанка. "Інстытут мікрабіялогіі НАН працуе па некалькіх напрамках, якія з'яўляюцца вельмі важнымі для нацыянальнай эканомікі, для нашага сацыяльна-эканамічнага развіцця. У першую чаргу сёння шмат пра гэта гаварылася: мы ставім перад сабой задачы істотнага рыўка ў вытворчасці аграпрамысловай прадукцыі, у прыватнасці малака і малочных прадуктаў, якія будуць з яго атрымлівацца. Для гэтага, вядома, трэба забяспечыць галіну жывёлагадоўлі высокаэфектыўнымі і высокаэнергетычнымі кармамі. Без гэтага такі скачок зрабіць немагчыма, - упэўнены ён. - Каб былі кармы, іх трэба не проста нарыхтаваць, іх трэба захаваць".
Такіх прэпаратаў на рынку нямала, прадоўжыў ён. "Ёсць і імпартныя, ёсць і іншыя вытворцы, у тым ліку прыватнай формы ўласнасці. Але як мне сёння паведамілі, адметнай асаблівасцю гэтага інстытута з'яўляецца тое, што іх дабаўкі вырабляюцца на айчынных мікраарганізмах, якія былі выдзелены з розных рэгіёнаў Беларусі, і таму маюць высокую эфектыўнасць, - звярнуў увагу Раман Галоўчанка. - Таму кармавыя дабаўкі і дабаўкі для паляпшэння фізіялагічных працэсаў жывёл пры харчаванні - гэта вельмі важная тэма. Важна, што мы займаемся і маем нядрэнныя вынікі".
Трэці напрамак - навукова-практычнае супрацоўніцтва з флагманам біятэхналагічнай галіны - Беларускай нацыянальнай біятэхналагічнай карпарацыяй. "Вельмі важная работа ідзе па стварэнні ўласных штамаў мікраарганізмаў, якія выкарыстоўваюцца ў вытворчасці біятэхналагічных прэпаратаў на гэтым прадпрыемстве. Таму задачы вялікія і маштаб работы таксама вельмі вялікі", - рэзюмаваў кіраўнік урада.-0-
Падпісвайцеся на нас у
