Фота з архіва
Навіны сюжэта
"Праект "Краіна гаворыць""
16 чэрвеня, Мінск /Кар. БЕЛТА/. Загадчыца сектара турызму і арганізацыйна-кадравай работы галоўнага ўпраўлення спорту і турызму Мінскага аблвыканкама Інга Малашкевіч расказала ў праекце БЕЛТА "Краіна гаворыць", як Мінская вобласць прываблівае турыстаў.
"Сёння ў нас даволі добрая база для таго, каб забяспечыць патрэбнасці турыстаў. У нас 130 гасцініц і аналагічных сродкаў размяшчэння, 153 санаторна-курортныя і аздараўленчыя арганізацыі, 35 дамоў паляўнічага, 20 кемпінгаў і глэмпінгаў (від кемпінга, які спалучае ў сабе камфорт і блізкасць да прыроды. - Заўвага БЕЛТА). Папулярным у Мінскай вобласці застаецца і аздараўленчы турызм", - заўважыла Інга Малашкевіч.
Акрамя таго, Мінская вобласць вядома тым, што ў яе межах размешчана больш за ўсё аграсядзіб. Пасля змянення заканадаўства (перарэгістрацыя паводле ўказа нумар 351) цяпер іх 391. Яны вельмі розныя, але ад таго не менш цікавыя. У вобласці нават зрабілі маршрут з трох самых яркіх сядзіб, якія рэкамендуецца наведаць усім турыстам.
Першая з іх - аграсядзіба "Дом качэўніка" ў Барысаўскім раёне, дзе адноўлены традыцыі качавых народаў. Там можна пазнаёміцца з цудоўнымі гаспадарамі і іх гадаванцамі - хаскі. "Таксама ў нас ёсць сядзіба "Мядзведжая затока". У іх тэматыка Вялікай Айчыннай вайны. Яе гаспадар сам былы ваенны, у яго ёсць узоры ваеннай формы розных часоў. Ён паказвае відэаролікі на патрыятычную тэматыку, робіць невялікую анімацыю, - расказала Інга Малашкевіч. - Тэматыка яшчэ адной аграсядзібы звязана з гісторыяй Барысаўшчыны. З гэтых трох аграсядзіб мы склалі цікавы маршрут".
У такім адпачынку ў асноўным зацікаўлены грамадзяне Беларусі, але ёсць і замежныя турысты - немцы, палякі, туркі, кітайцы, расіяне. "Сядзібы нашы прапануюць і сон на вуллях, і майстар-класы, і танцы, і выраб абярэгаў. Гэта таксама такая фішка Мінскай вобласці", - адзначыла загадчыца сектара.
Новыя віды забаў прапануе і самы папулярны замак вобласці - Нясвіжскі. З 29 мая па 1 кастрычніка ў яго выставачнай зале працуе праект "Золата іканастасаў. Мастацтва беларускіх майстроў у Маскве".
Акрамя таго, у Мінскай вобласці даволі шмат розных аб'ектаў, якія цікавы турыстам, - комплекс "Дудуткі", парк-атэль "Версаль" у Пухавіцкім раёне, "Лінія Сталіна". Вялікі паток турыстаў накіроўваецца і ў Хатынь. Усе гэтыя аб'екты прапануюць новыя экспазіцыі і праграмы. "У мінулым годзе ў нас быў адкрыты музей у Валожыне - Валожынская іешыва. Туды паехалі патокі турыстаў, у выхадныя дні там дастаткова шмат аўтобусаў", - расказала Інга Малашкевіч.-0-
*Праект створаны за кошт сродкаў мэтавага збору на вытворчасць нацыянальнага кантэнту.
"Сёння ў нас даволі добрая база для таго, каб забяспечыць патрэбнасці турыстаў. У нас 130 гасцініц і аналагічных сродкаў размяшчэння, 153 санаторна-курортныя і аздараўленчыя арганізацыі, 35 дамоў паляўнічага, 20 кемпінгаў і глэмпінгаў (від кемпінга, які спалучае ў сабе камфорт і блізкасць да прыроды. - Заўвага БЕЛТА). Папулярным у Мінскай вобласці застаецца і аздараўленчы турызм", - заўважыла Інга Малашкевіч.
Акрамя таго, Мінская вобласць вядома тым, што ў яе межах размешчана больш за ўсё аграсядзіб. Пасля змянення заканадаўства (перарэгістрацыя паводле ўказа нумар 351) цяпер іх 391. Яны вельмі розныя, але ад таго не менш цікавыя. У вобласці нават зрабілі маршрут з трох самых яркіх сядзіб, якія рэкамендуецца наведаць усім турыстам.
Першая з іх - аграсядзіба "Дом качэўніка" ў Барысаўскім раёне, дзе адноўлены традыцыі качавых народаў. Там можна пазнаёміцца з цудоўнымі гаспадарамі і іх гадаванцамі - хаскі. "Таксама ў нас ёсць сядзіба "Мядзведжая затока". У іх тэматыка Вялікай Айчыннай вайны. Яе гаспадар сам былы ваенны, у яго ёсць узоры ваеннай формы розных часоў. Ён паказвае відэаролікі на патрыятычную тэматыку, робіць невялікую анімацыю, - расказала Інга Малашкевіч. - Тэматыка яшчэ адной аграсядзібы звязана з гісторыяй Барысаўшчыны. З гэтых трох аграсядзіб мы склалі цікавы маршрут".
У такім адпачынку ў асноўным зацікаўлены грамадзяне Беларусі, але ёсць і замежныя турысты - немцы, палякі, туркі, кітайцы, расіяне. "Сядзібы нашы прапануюць і сон на вуллях, і майстар-класы, і танцы, і выраб абярэгаў. Гэта таксама такая фішка Мінскай вобласці", - адзначыла загадчыца сектара.
Новыя віды забаў прапануе і самы папулярны замак вобласці - Нясвіжскі. З 29 мая па 1 кастрычніка ў яго выставачнай зале працуе праект "Золата іканастасаў. Мастацтва беларускіх майстроў у Маскве".
Акрамя таго, у Мінскай вобласці даволі шмат розных аб'ектаў, якія цікавы турыстам, - комплекс "Дудуткі", парк-атэль "Версаль" у Пухавіцкім раёне, "Лінія Сталіна". Вялікі паток турыстаў накіроўваецца і ў Хатынь. Усе гэтыя аб'екты прапануюць новыя экспазіцыі і праграмы. "У мінулым годзе ў нас быў адкрыты музей у Валожыне - Валожынская іешыва. Туды паехалі патокі турыстаў, у выхадныя дні там дастаткова шмат аўтобусаў", - расказала Інга Малашкевіч.-0-
*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
