Аформленыя літоўскія фуры стаяць на ўездзе ў ЕС у беларускім пункце пропуску "Катлоўка"

29 лютага, Мінск /Кар. БЕЛТА/. Беларускі пункт пропуску "Катлоўка" па стане на 14.50 запоўнены аформленымі аўтамабілямі. Большасць з іх - грузавікі з літоўскімі рэгістрацыйнымі знакамі. Аб гэтым БЕЛТА паведамілі ў Дзяржпагранкамітэце.

"Кантрольныя службы літоўскага пагранперахода "Лаварышкес" па-ранейшаму марудна запускаюць транспартныя сродкі на сваю тэрыторыю", - дадалі ў ДПК.

Дзяржаўны пагранічны камітэт нагадаў, што з 1 сакавіка Літва ў аднабаковым парадку закрые пункты пропуску "Лаварышкес" (сумежны "Катлоўка") і "Райгардас" (сумежны "Прывалка") на граніцы з Беларуссю. На літоўска-беларускай граніцы прадоўжаць функцыянаваць пагранпераходы "Мядзінінкай" (сумежны "Каменны Лог") і "Шальчынінкай" (сумежны "Беняконі"). Беларускія пагранічнікі рэкамендуюць улічваць гэту інфармацыю пры планаванні замежных паездак.-0-