Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Адзіны дзень бяспекі з удзелам усіх суб'ектаў прафілактыкі пройдзе ў Беларусі ў 2019 годзе

Грамадства 14.09.2018 | 19:06

14 верасня, Мядзельскі раён /Кар. БЕЛТА/. Адзіны дзень бяспекі з удзелам усіх суб'ектаў прафілактыкі ўпершыню пройдзе ў Беларусі ў 2019 годзе, паведаміў карэспандэнту БЕЛТА міністр па надзвычайных сітуацыях Уладзімір Вашчанка. Ён прыняў удзел у адкрыцці XXI Рэспубліканскага злёту юных ратавальнікаў-пажарных у Нацыянальным дзіцячым адукацыйна-аздараўленчым цэнтры "Зубраня".

Паводле слоў Уладзіміра Вашчанкі, у дзень бяспекі будуць праводзіцца мэтанакіраваныя прафілактычныя мерапрыемствы па папярэджанні надзвычайных сітуацый, правапарушэнняў і злачынстваў, а таксама навучанне паводзінам ва ўмовах пажараў, аварый, аказанню першай медыцынскай дапамогі. "Гэта новаўвядзенне для Беларусі, і цяпер ідзе падрыхтоўчая работа. Створаны Міжведамасны савет па пытаннях правядзення дня бяспекі, куды ўвайшлі ўсе суб'екты прафілактыкі. Першае пасяджэнне савета ўжо адбылося, унесены пэўныя прапановы, цяпер яны вывучаюцца", - расказаў ён.

Як адзначыў міністр, у Беларусі праводзіцца вялікая работа з насельніцтвам па пытаннях бяспекі жыццядзейнасці. Разам з тым пастаўлена задача ўключыць у яе як мага больш людзей. "Формы такой работы могуць быць самымі рознымі: гутаркі, сустрэчы ў гульнявой форме з дзецьмі, арганізацыя шматлікіх конкурсаў. Галоўнае, каб людзі разумелі, што пытанням бяспекі неабходна ўдзяляць асаблівую ўвагу", - падкрэсліў Уладзімір Вашчанка.

Рэспубліканскі злёт юных ратавальнікаў-пажарных - гэта штогадовае мерапрыемства, якое па традыцыі праводзіцца на базе Нацыянальнага дзіцячага адукацыйна-аздараўленчага цэнтра "Зубраня". Праект аб'ядноўвае актывістаў маладзёжнага руху пад эгідай МНС. Дзеці спаборнічаюць у веданні бяспекі, творчых і спартыўных спаборніцтвах.

"Работа з падрастаючым пакаленнем была і застаецца прыярытэтным напрамкам нашай дзейнасці. Як паказвае практыка, навучанне з юных гадоў дзяцей асновам бяспекі дае свае вынікі. Гэту работу трэба прадаўжаць, і, самае галоўнае, дзеці ставяцца да гэтага вельмі сур'ёзна. Удзельнікі злёту прайшлі адбор на раённых і абласных этапах, а каманда-пераможца ў наступным годзе будзе прадстаўляць краіну на міжнародным злёце. Юныя ратавальнікі-пажарныя актыўна ўключаны і ў прафілактычную работу. Разам з прадстаўнікамі МНС яны наведваюць дашкольныя навучальныя ўстановы, праводзяць заняткі з вучнямі малодшых класаў. Навыкі бяспечных паводзін спатрэбяцца дзецям усюды. Гэта дапаможа ім не разгубіцца ў крытычнай сітуацыі і дапамагчы тым, хто трапіў у бяду", - рэзюмаваў міністр.-0-

Фота Генадзя Жынкова

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.