ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Грамадства
23 лістапада 2017, 13:01

Адзіны дзень бяспекі дарожнага руху па падрыхтоўцы транспарту да зімы пройдзе 24 лістапада

23 лістапада, Мінск /Кар. БЕЛТА/. Адзіны дзень бяспекі дарожнага руху пад дэвізам "Кожнай машыне - зімовыя шыны!", прысвечаны тэме падрыхтоўкі аўтатранспарту да эксплуатацыі ў зімовых умовах, пройдзе 24 лістапада ў Беларусі, паведамілі БЕЛТА ва ўпраўленні Дзяржаўтаінспекцыі МУС.

Супрацоўнікі ДАІ наведаюць працоўныя калектывы, дзе нагадаюць уладальнікам транспартных сродкаў аб забароне з 1 снежня эксплуатацыі аўтамабіляў з летнімі шынамі, аб адказнасці за ігнараванне гэтага патрабавання ПДР, аб правілах бяспечнага ўдзелу ў дарожным руху ў зімовых умовах. Пройдуць размовы з вадзіцелямі па прапагандзе выкарыстання зімовых шын.

У Дзяржаўтаінспекцыі нагадалі, што з 1 снежня зімовая рызіна павінна быць устаноўлена на ўсіх колах аўтамабіляў з тэхнічна дапушчальнай агульнай масай да 3,5 т уключна, легкавых і грузапасажырскіх аўтамабіляў з тэхнічна дапушчальнай агульнай масай звыш 3,5 т, а таксама аўтобусаў з тэхнічна дапушчальнай агульнай масай да 5 т.

Распазнаць дазволены зімой "аўтаабутак" можна па маркіроўцы ў выглядзе горнай вяршыні з трыма пікамі і са сняжынкай унутры яе або знакаў "М+S", "M&S", "M.S", "M S" або "All seasons". Вышыня рысунка пратэктара зімовых шын павінна быць не меншая за 4 мм.

За ўдзел у дарожным руху транспартных сродкаў, на якіх не ўстаноўлены зімовыя шыны, прадугледжана адміністрацыйная адказнасць у выглядзе папярэджання або штрафу да пяці дзясятых базавай велічыні (Br11,50).

Калі ж на транспартным сродку ўстаноўлены зімовыя шыны са зношаным пратэктарам, вышыня рысунка якога складае менш як 4 мм, такі транспартны сродак лічыцца няспраўным, а значыць яму забаронены ўдзел у дарожным руху. Такая няспраўнасць вядзе да папярэджання або накладання штрафу ў памеры да адной базавай велічыні. Паўторнае на працягу года такое ж парушэнне прывядзе да штрафу ў памеры ад 2 да 5 базавых велічынь.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі