17 красавіка, Мінск /Кар. БЕЛТА/. Адзін з самых яркіх эпізодаў абароны Скідзеля ў першыя дні вайны - дзеянні лётчыкаў 127-га знішчальнага авіяпалка. Гэта воінская часць базіравалася на Скідзельскім аэрадроме і на палявым аэрадроме Лесішча ў Шчучынскім раёне. У 3:25 раніцы 22 чэрвеня ўвесь лётны склад паднялі па трывозе.
На ўзбраенні ў іх былі знішчальнікі І-15 біс і І-153 "Чайка", якія ўжо тады лічыліся ўстарэлымі, а частка з 72 машын знаходзілася ў рамонце. Усё гэта не перашкодзіла савецкім лётчыкам змагацца ў небе і перамагаць хвалёных нямецкіх асаў. Ужо ў першы дзень вайны полк зрабіў 172 баявыя вылеты, знішчыўшы 20 самалётаў праціўніка і страціўшы толькі 13 уласных. Гэта лепшы вынік сярод усіх знішчальных палкоў Заходняга фронту.
Гераізм і мужнасць лётчыкаў 127-га знішчальнага авіяпалка былі адзначаны ва Указе Прэзідыума Вярхоўнага Савета СССР ад 8 ліпеня 1941 года. Баявыя ордэны атрымалі дзевяць герояў. Сярод іх - старшы палітрук І эскадрыллі Андрэй Данілаў, які раніцай 22 чэрвеня зрабіў адзін з першых у гады Вялікай Айчыннай вайны паветраных таранаў. Некалькімі гадзінамі пазней такі ж паўтарыў Пётр Кузьмін.
У ноч на 23 чэрвеня 1941 года абарону каля Скідзеля занялі 184-ы і 59-ы стралковыя палкі, якія адышлі з Гродна, а таксама курсанты-пагранічнікі. Яны перакрылі немцам дарогі на Шчучын, Масты і Мінск. Ведучы ўпартыя кровапралітныя баі, утрымлівалі населены пункт чацвёра сутак, сарваўшы план гітлераўцаў па акружэнні нашых войскаў у Скідзелі. Але сілы былі няроўнымі.
У першыя дні акупацыі гітлераўцы склалі спісы камуністаў, актывістаў, тых, хто адносіцца са спагадай да савецкай улады і яўрэяў. Іх перадалі створаным яшчэ да ўварвання ў СССР айнзацгрупам. Пачаліся масавыя забойствы. Першыя падпольныя і партызанскія групы на тэрыторыі раёна з'явіліся ў 1941-м. З часам Скідзельшчына стала партызанскім краем. У маі 1942 года быў створаны акруговы антыфашысцкі камітэт Баранавіцкай вобласці пад кіраўніцтвам Георгія Картухіна, куды ўвайшлі і патрыёты са Скідзеля. Да гэтага часу камітэт аб'ядноўваў 5 партызанскіх і 35 падпольных груп. У ліпені 1942 года ён правёў першую буйную аперацыю па разгроме гітлераўцаў у вёсцы Азёры Скідзельскага раёна. Былі знішчаны нямецкія ўмацаванні, гарнізон, паштовае аддзяленне, лініі сувязі, вызвалены вязні гета. Гэтыя падзеі дазволілі жыхарам раёна адчуць - у іх ёсць абаронцы.
У 1943 годзе на тэрыторыі Скідзельшчыны дзейнічалі дзве буйныя партызанскія брыгады, якія прынялі актыўны ўдзел у рэйкавай вайне. Былі пушчаны пад адхон дзясяткі эшалонаў, разабраны кіламетры чыгуначных пуцей, пашкоджаны лініі сувязі.
У час Беластоцкай наступальнай аперацыі скідзельскія партызаны дапамагалі часцям Чырвонай Арміі: выступалі праваднікамі, удзельнічалі ў наладжванні пераправы і атаках на нямецкія абарончыя рубяжы.
Скідзель вызвалілі 13 ліпеня 1944 года часці 64-й і 238-й стралковых дывізій РСЧА.
Скідзель стаў трыццаць пятым у спісе гарадоў і населеных пунктаў, у які адправіліся аўтары праекта "Цытадэлі мужнасці".
Праект "Цытадэлі мужнасці" выходзіць у газеце "7 дней" і на сайце БЕЛТА раз у два тыдні. Усяго будзе апублікавана 42 матэрыялы - аб кожным з населеных пунктаў, узнагароджаных вымпелам "За мужнасць і стойкасць у гады Вялікай Айчыннай вайны".-0-
*Праект створаны за кошт сродкаў мэтавага збору на вытворчасць нацыянальнага кантэнту.
На ўзбраенні ў іх былі знішчальнікі І-15 біс і І-153 "Чайка", якія ўжо тады лічыліся ўстарэлымі, а частка з 72 машын знаходзілася ў рамонце. Усё гэта не перашкодзіла савецкім лётчыкам змагацца ў небе і перамагаць хвалёных нямецкіх асаў. Ужо ў першы дзень вайны полк зрабіў 172 баявыя вылеты, знішчыўшы 20 самалётаў праціўніка і страціўшы толькі 13 уласных. Гэта лепшы вынік сярод усіх знішчальных палкоў Заходняга фронту.
Гераізм і мужнасць лётчыкаў 127-га знішчальнага авіяпалка былі адзначаны ва Указе Прэзідыума Вярхоўнага Савета СССР ад 8 ліпеня 1941 года. Баявыя ордэны атрымалі дзевяць герояў. Сярод іх - старшы палітрук І эскадрыллі Андрэй Данілаў, які раніцай 22 чэрвеня зрабіў адзін з першых у гады Вялікай Айчыннай вайны паветраных таранаў. Некалькімі гадзінамі пазней такі ж паўтарыў Пётр Кузьмін.
У ноч на 23 чэрвеня 1941 года абарону каля Скідзеля занялі 184-ы і 59-ы стралковыя палкі, якія адышлі з Гродна, а таксама курсанты-пагранічнікі. Яны перакрылі немцам дарогі на Шчучын, Масты і Мінск. Ведучы ўпартыя кровапралітныя баі, утрымлівалі населены пункт чацвёра сутак, сарваўшы план гітлераўцаў па акружэнні нашых войскаў у Скідзелі. Але сілы былі няроўнымі.
У першыя дні акупацыі гітлераўцы склалі спісы камуністаў, актывістаў, тых, хто адносіцца са спагадай да савецкай улады і яўрэяў. Іх перадалі створаным яшчэ да ўварвання ў СССР айнзацгрупам. Пачаліся масавыя забойствы. Першыя падпольныя і партызанскія групы на тэрыторыі раёна з'явіліся ў 1941-м. З часам Скідзельшчына стала партызанскім краем. У маі 1942 года быў створаны акруговы антыфашысцкі камітэт Баранавіцкай вобласці пад кіраўніцтвам Георгія Картухіна, куды ўвайшлі і патрыёты са Скідзеля. Да гэтага часу камітэт аб'ядноўваў 5 партызанскіх і 35 падпольных груп. У ліпені 1942 года ён правёў першую буйную аперацыю па разгроме гітлераўцаў у вёсцы Азёры Скідзельскага раёна. Былі знішчаны нямецкія ўмацаванні, гарнізон, паштовае аддзяленне, лініі сувязі, вызвалены вязні гета. Гэтыя падзеі дазволілі жыхарам раёна адчуць - у іх ёсць абаронцы.
У 1943 годзе на тэрыторыі Скідзельшчыны дзейнічалі дзве буйныя партызанскія брыгады, якія прынялі актыўны ўдзел у рэйкавай вайне. Былі пушчаны пад адхон дзясяткі эшалонаў, разабраны кіламетры чыгуначных пуцей, пашкоджаны лініі сувязі.
У час Беластоцкай наступальнай аперацыі скідзельскія партызаны дапамагалі часцям Чырвонай Арміі: выступалі праваднікамі, удзельнічалі ў наладжванні пераправы і атаках на нямецкія абарончыя рубяжы.
Скідзель вызвалілі 13 ліпеня 1944 года часці 64-й і 238-й стралковых дывізій РСЧА.
Скідзель стаў трыццаць пятым у спісе гарадоў і населеных пунктаў, у які адправіліся аўтары праекта "Цытадэлі мужнасці".
Праект "Цытадэлі мужнасці" выходзіць у газеце "7 дней" і на сайце БЕЛТА раз у два тыдні. Усяго будзе апублікавана 42 матэрыялы - аб кожным з населеных пунктаў, узнагароджаных вымпелам "За мужнасць і стойкасць у гады Вялікай Айчыннай вайны".-0-
*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
