Сцяг Аўторак, 19 сакавіка 2024
Усе навіны
Усе навіны
Грамадства
08 лютага 2023, 12:52

Адна з грамадзянак Беларусі ў Турцыі ў бальніцы, з другой і яе дзецьмі сувязі няма

8 лютага, Мінск /Кар. БЕЛТА/. Адна з грамадзянак Беларусі ў Турцыі знойдзена і знаходзіцца ў бальніцы, з другой і яе дзецьмі сувязі няма. Аб гэтым БЕЛТА расказалі ў пасольстве Беларусі ў Турцыі.

Усяго на консульскім уліку пасольства знаходзяцца 418 беларускіх грамадзян, з якіх 53 пражываюць у правінцыях, пацярпелых ад землетрасення. З раніцы 6 лютага і да гэтага часу супрацоўнікі пасольства абзвоньваюць беларускіх грамадзян, якія стаяць на консульскім уліку і пражываюць у першую чаргу ў пацярпелых раёнах.

"Па стане на 7 лютага па выніках праведзенай работы не ўдалося звязацца з двума паўналетнімі і трыма непаўналетнімі грамадзянамі Беларусі ў гарадах Анатак'я і Кахраманмараш", - расказаў супрацоўнік пасольства.

Па стане на раніцу 8 лютага пасольства мае інфармацыю і аб тым, што грамадзянка Беларусі, якая пражывае ў горадзе Антак'я, жывая. Яна знаходзіцца ў бальніцы ў горадзе Адана. Яе муж - грамадзянін Турцыі - памёр у бальніцы. Месцазнаходжанне іх малалетняга дзіцяці цяпер пакуль не ўстаноўлена. Аб стане пацярпелай грамадзянкі Беларусі афіцыйнай інфармацыі няма.

Што датычыцца яшчэ адной грамадзянкі Беларусі і яе дваіх непаўналетніх дзяцей, якія пражываюць у горадзе Кахраманмараш, то да гэтага часу сувязь з імі не ўстаноўлена. "Іх месца знаходжання ўстанаўліваецца. У тым ліку ў пастаянным узаемадзеянні з консульскім дэпартаментам МЗС Турцыі, упраўленнем па ліквідацыі надзвычайных сітуацый Турцыі, а таксама праз магчымасці офісаў ганаровых консулаў Беларусі ў Турцыі", - адзначыў работнік пасольства.-0-

Падпісвайцеся на нас у
Twitter
Топ-навіны
Свежыя навіны Беларусі