Фота з архіва
29 чэрвеня, Мінск /Кар. БЕЛТА/. Дэлегацыя Нацыянальнага сходу Рэспублікі Беларусь у ПА АБСЕ прыняла заяву ў сувязі з нядопускам да ўдзелу ў 31-й штогадовай сесіі ПА АБСЕ. Аб гэтым БЕЛТА паведамілі ў прэс-службе Палаты прадстаўнікоў.
Беларускія парламентарыі вельмі абураны тым, што румынскія ўлады наўмысна сарвалі ўдзел дэлегацыі Нацыянальнага сходу Рэспублікі Беларусь у 31-й штогадовай сесіі ПА АБСЕ ў Бухарэсце адмовай ва ўездзе на тэрыторыю Румыніі. "Гэта рашэнне прынята насуперак усім базавым абавязацельствам і прынцыпам АБСЕ. Рэспубліка Беларусь прымае актыўны ўдзел у дзейнасці ПА АБСЕ. У 2017 годзе наша краіна паспяхова правяла 26-ю штогадовую сесію ПА АБСЕ, якая стала самай прадстаўнічай у гісторыі асамблеі. Пры гэтым былі забяспечаны максімальна спрыяльныя ўмовы для работы замежных парламентарыяў, якія прадстаўлялі 55 дзяржаў-членаў", - гаворыцца ў заяве.
Парламенцкая асамблея АБСЕ прызначана быць пляцоўкай для адкрытага, інклюзіўнага дыялогу, каштоўнасць якога асабліва ўзрастае ва ўмовах бягучага абвастрэння знешнепалітычнай канфрантацыі. Нядопуск парламенцкай дэлегацыі Беларусі на сесію ПА АБСЕ ў Бухарэсце з'яўляецца прыкладам адкрытай прадузятасці і дыскрымінацыі. "Падыходы, якія пазбаўляюць паўнапраўных членаў магчымасці прадстаўляць свае нацыянальныя пазіцыі, падрываюць міжнародны аўтарытэт і асновы самой арганізацыі. У сувязі з гэтым беларускі бок не прызнае рашэнні, якія могуць быць прыняты ў час сесіі ў адносінах да Беларусі, у сувязі з адмовай краінай, што прымае асамблею, ва ўездзе на яе тэрыторыю", - адзначаецца ў заяве.
"Беларусь, як і раней, цалкам падтрымлівае намаганні, накіраваныя на захаванне дыялогу паміж дзяржавамі - членамі АБСЕ і выпрацоўку палітычных рашэнняў у мэтах умацавання нашай агульнай бяспекі", - канстатуецца ў заяве.-0-
Беларускія парламентарыі вельмі абураны тым, што румынскія ўлады наўмысна сарвалі ўдзел дэлегацыі Нацыянальнага сходу Рэспублікі Беларусь у 31-й штогадовай сесіі ПА АБСЕ ў Бухарэсце адмовай ва ўездзе на тэрыторыю Румыніі. "Гэта рашэнне прынята насуперак усім базавым абавязацельствам і прынцыпам АБСЕ. Рэспубліка Беларусь прымае актыўны ўдзел у дзейнасці ПА АБСЕ. У 2017 годзе наша краіна паспяхова правяла 26-ю штогадовую сесію ПА АБСЕ, якая стала самай прадстаўнічай у гісторыі асамблеі. Пры гэтым былі забяспечаны максімальна спрыяльныя ўмовы для работы замежных парламентарыяў, якія прадстаўлялі 55 дзяржаў-членаў", - гаворыцца ў заяве.
Парламенцкая асамблея АБСЕ прызначана быць пляцоўкай для адкрытага, інклюзіўнага дыялогу, каштоўнасць якога асабліва ўзрастае ва ўмовах бягучага абвастрэння знешнепалітычнай канфрантацыі. Нядопуск парламенцкай дэлегацыі Беларусі на сесію ПА АБСЕ ў Бухарэсце з'яўляецца прыкладам адкрытай прадузятасці і дыскрымінацыі. "Падыходы, якія пазбаўляюць паўнапраўных членаў магчымасці прадстаўляць свае нацыянальныя пазіцыі, падрываюць міжнародны аўтарытэт і асновы самой арганізацыі. У сувязі з гэтым беларускі бок не прызнае рашэнні, якія могуць быць прыняты ў час сесіі ў адносінах да Беларусі, у сувязі з адмовай краінай, што прымае асамблею, ва ўездзе на яе тэрыторыю", - адзначаецца ў заяве.
"Беларусь, як і раней, цалкам падтрымлівае намаганні, накіраваныя на захаванне дыялогу паміж дзяржавамі - членамі АБСЕ і выпрацоўку палітычных рашэнняў у мэтах умацавання нашай агульнай бяспекі", - канстатуецца ў заяве.-0-
