ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Воблачна з праясненнямі +11°C
Усе навіны
Усе навіны
Грамадства
14 верасня 2021, 17:24

Адказныя за сітуацыю з COVID-19 ацанілі рызыкі на нарадзе ў Савеце Рэспублікі

14 верасня, Мінск /Кар. БЕЛТА/. Гатоўнасць сістэмы аховы здароўя да асенняга эпідсезона і новай хвалі COVID-19 сёння абмяркоўвалася на нарадзе ў Савеце Рэспублікі па тэме процідзеяння распаўсюджванню каранавіруснай інфекцыі ў рэгіёнах і Мінску, перадае карэспандэнт БЕЛТА.

Старшыня верхняй палаты парламента, упаўнаважаны прадстаўнік кіраўніка дзяржавы ў горадзе Мінску, які курыруе пытанні аховы здароўя, Наталля Качанава растлумачыла, што на нараду запрошаны ўсе ўпаўнаважаныя па кантролі за сітуацыяй з COVID-19 у рэгіёнах - прадстаўнікі медыцынскіх ВНУ, устаноў, Міністэрства аховы здароўя.

"Мы бачым, што пайшоў рост захваральнасці, у тым ліку і ў сувязі з ростам іншых сезонных захворванняў. І павінны быць да гэтага гатовы. Якія пытанні ёсць адносна лекавых прэпаратаў, сродкаў індывідуальнай аховы, наяўнасці месцаў у бальніцах, якая забяспечанасць кіслародам. Усе пытанні, што ўзнікаюць, я прасіла б сёння абазначыць", - звярнулася да ўдзельнікаў сустрэчы Наталля Качанава.

"У рэгіёнах сітуацыя кантралюемая. За гэты час набыты вопыт, які дазваляе адэкватна рэагаваць, ацэньваць і прагназаваць сітуацыю. Цяпер мы ўваходзім у сезон уздыму вострых рэспіраторных інфекцый. Каранавірус таксама да іх адносіцца. Лічба захваральнасці на сённяшні дзень яшчэ не дасягае пікаў мінулага года", - сказаў кіраўнік Гродзенскага аблвыканкама, кіраўнік міжрэгіянальнага штаба па прадухіленні распаўсюджвання каранавіруснай інфекцыі на тэрыторыі ў Брэсцкай і Гродзенскай абласцях Уладзімір Каранік.

Паводле яго слоў, цяпер асноўныя намаганні накіраваны на прадаўжэнне кампаніі па вакцынацыі і ахове найбольш неабароненых катэгорый: пажылых, людзей з хранічнымі захворваннямі. "Вельмі радуе, што па Гродзенскай і Брэсцкай абласцях ужо дасягнуты мэтавыя паказчыкі вакцынацыі работнікаў сістэм аховы здароўя і сацыяльнай абароны, што зніжае рызыку некантралюемага распаўсюджвання інфекцыі сярод найбольш неабароненай групы", - дадаў Уладзімір Каранік.

Актывізаваліся і работа эпідслужбы, кантроль за выкананнем проціэпідэмічных мер і санітарна-эпідэміялагічных мерапрыемстваў.

"Імунная праслойка дазваляе спадзявацца, што лічбы захваральнасці будуць ніжэйшыя, чым у мінулым годзе. Але, з іншага боку, мы разумеем, што пераважае дэльта-штам, які валодае большай вірулентнасцю, - падкрэсліў Уладзімір Каранік. - У цэлым у нас няма ніякіх перадумоў, каб сітуацыя выйшла з-пад кантролю".

Ён адзначыў, што вельмі паволі і паступальна каранавірус новага тыпу праяўляе прыкметы сезоннасці (уздым вясной і восенню), але яшчэ не страціў і ўласцівасці пандэмічнага штама.

Прадстаўнікі медыцынскіх ВНУ прысутнічалі на сустрэчы невыпадкова: яны актыўна дапамагалі і прадаўжаюць дапамагаць практычнай ахове здароўя ў барацьбе з каранавірусам новага тыпу. "З ліку супрацоўнікаў кафедраў інфекцыйных хвароб фарміраваліся групы, якія аказвалі не толькі метадычную, але і кансультацыйна-лячэбную дапамогу замацаваным стацыянарам па ўсёй рэспубліцы. І гэта работа цяпер актывізуецца за кошт шырокага прыцягнення студэнтаў", - канстатаваў Уладзімір Каранік.

Прафесар кафедры інфекцыйных хвароб БДМУ Дзмітрый Данілаў таксама падкрэсліў, што за гэты час работнікі сістэмы аховы здароўя ўжо шмат чаму навучыліся, сур'ёзна ўдасканалена і база ўстаноў. Узровень аказання медыцынскай дапамогі вырас. "Але мяняецца структура захваральнасці. Таму расслабляцца не трэба. Асабліва хацелася б звярнуць увагу насельніцтва на пытанні вакцынацыі, а таксама нашэння масак і дыстанцыравання", - сказаў ён.

Вакцынацыя абараняе не столькі ад самога захворвання, колькі ад яго цяжкага ходу. Медыкам вядомы выпадкі, калі прышчэплены чалавек быў крыніцай інфекцыі. Вакцынавацца трэба і тым, хто перахварэў - выпрацаваныя арганізмам антыцелы не вечныя. "Гэта клопат не толькі пра сябе. Мы павінны падумаць адзін пра аднаго, пра сваіх блізкіх і асяроддзе. Гэта калі не вырашыць пытанне, то, прынамсі, вельмі дапаможа медыкам змагацца з інфекцыяй", - лічыць Дзмітрый Данілаў.

Прышчапляцца ён рэкамендуе любой вакцынай. У нас для гэтага ў краіне ёсць выбар і выдатныя ўмовы: пункты вакцынацыі арганізаваны не толькі ў медустановах, але нават у гандлёвых цэнтрах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі