Фота Мінпрама
13 лістапада, Мінск /Кар. БЕЛТА/. Сістэмы менеджменту якасці ахопліваюць усе аспекты прамысловага вытворчага працэсу ад закупкі сыравіны да пастаўкі гатовай прадукцыі і ўстанаўліваюць выразныя працэдуры, стандарты і паказчыкі, якія павінны выконвацца на кожным этапе. Такую заяву ў час прэс-канферэнцыі, прымеркаванай да Сусветнага дня якасці, зрабіў намеснік міністра прамысловасці Андрэй Кузняцоў, перадае карэспандэнт БЕЛТА.
Работа па павышэнні якасці і надзейнасці выпускаемай прадукцыі праводзіцца Міністэрствам прамысловасці на сістэмнай аснове. На галіновым узроўні Мінпрамам распрацавана і рэалізуецца доўгатэрміновая праграма якасці, якая ахоплівае пытанні тэхнічнага нарміравання, стандартызацыі, павышэння тэхнічнага ўзроўню прадукцыі, сэрвіснага абслугоўвання, кампетэнтнасці, матывацыі і стымулявання персаналу, укаранення стандартызаваных тэхнік якасці і іншых падыходаў, накіраваных на павышэнне якасці гатовай прадукцыі.
Намеснік міністра прамысловасці расказаў: на працягу 2021-2023 гадоў арганізацыямі сістэмы Мінпрама было рэалізавана больш за 12 тыс. мерапрыемстваў па павышэнні якасці выпускаемай прадукцыі, а за дзевяць месяцаў 2024 года - ужо звыш 3,1 тыс.
"Усе вытворцы сертыфікавалі свае сістэмы менеджменту якасці на адпаведнасць патрабаванням дзяржаўнага стандарту СТБ ISO 9001-2015, дадаткова некаторыя вытворцы сертыфікавалі свае сістэмы менеджменту таксама на адпаведнасць патрабаванням стандартаў, што ўлічваюць галіновую спецыфіку вытворчасці", - падкрэсліў Андрэй Кузняцоў.
Як было адзначана, пытанні якасці і арганізацыі сэрвіснага абслугоўвання рэгулярна разглядаюцца на калегіях Міністэрства прамысловасці. У мэтах узмацнення сістэмнай работы ў галіне якасці ў Мінпраме створана камісія, якая вызначае асноўныя вектары работы па гэтым напрамку.
Андрэй Кузняцоў звярнуў увагу на тое, што супрацоўнікі Міністэрства прамысловасці сумесна з падведамнымі арганізацыямі прымаюць удзел у разглядзе праектаў тэхнічных рэгламентаў ЕАЭС і змяненняў у іх, праектаў міждзяржаўных і дзяржаўных стандартаў, мэтазгоднасці ўвядзення распрацаваных і адмены ўстарэлых стандартаў, дзеючых стандартаў для ацэнкі іх навукова-тэхнічнага ўзроўню, падрыхтаваных Дзяржстандартам праектаў нарматыўных прававых актаў у галіне тэхнічнага рэгулявання.
"Прадпрыемствамі сістэмы Мінпрама шырока выкарыстоўваюцца сучасныя падыходы да кіравання якасцю, у тым ліку такія, як беражлівая вытворчасць, канцэпцыя "Шэсць сігм", філасофія ўсеагульнага кіравання якасцю і адпаведныя ім тэхнікі эфектыўнага менеджменту, - дадаў намеснік міністра. - У выпадку інструментаў беражлівай вытворчасці, напрыклад, распаўсюджана сістэма 5S (сартаванне, захаванне парадку, утрыманне ў чысціні, стандартызацыя, удасканаленне)".
Асобнымі арганізацыямі міністэрства самастойна распрацоўваюцца стандарты, у тым ліку ў рамках праграмы па развіцці электратранспарту і стандарты да тэхнічных рэгламентаў Мытнага саюза. На базе ўласных акрэдытаваных лабараторый арганізацыямі вядзецца паверка, каліброўка і атэстацыя сродкаў вымярэнняў і выпрабаванняў, што прымяняюцца на ўсіх этапах вытворчасці.
На кожным прадпрыемстве, паводле слоў намесніка міністра, удзяляецца ўвага і развіццю выпрабавальнай базы, аснашчэнню новымі высокатэхналагічнымі сродкамі вымярэнняў. У прыватнасці, у рамках планаў тэхнічнага развіцця МТЗ у Цэнтры выпрабавання трактарнай тэхнікі холдынга на 2024 год запланавана правядзенне дзевяці мерапрыемстваў па аснашчэнні і пашырэнні выпрабавальнай базы, якія ўключаюць закупку вымяральнага абсталявання, прыбораў і выпрабавальных стэндаў.
Мінпрамам распрацавана і рэалізуецца і інвестыцыйная праграма па стварэнні імпартазамяшчальных вытворчасцей, вялікая ўвага ўдзяляецца кадрам і навуковай рабоце. Так, 23 арганізацыі сістэмы Мінпрама ўжо атрымалі статус навуковай арганізацыі, створана 19 галіновых лабараторый.
"Праводзімая нашымі арганізацыямі сістэмная работа адзначана Саветам Міністраў. У бягучым годзе на саісканне прэміі ўрада за дасягненні ў галіне якасці прэтэндуюць пяць арганізацый Мінпрама, - падагульніў намеснік міністра прамысловасці Андрэй Кузняцоў. - У цэлым правядзенне мерапрыемстваў па павышэнні якасці прадукцыі і вытворчасці не павінна абмяжоўвацца выключна Годам якасці, і рабоце па гэтым напрамку мы ўдзелім самую пільную ўвагу і ў далейшым, таму што ў першую чаргу ад якасці залежыць колькасць вырабленай і прададзенай прадукцыі, а значыць, і ўзровень жыцця ў краіне".-0-
Работа па павышэнні якасці і надзейнасці выпускаемай прадукцыі праводзіцца Міністэрствам прамысловасці на сістэмнай аснове. На галіновым узроўні Мінпрамам распрацавана і рэалізуецца доўгатэрміновая праграма якасці, якая ахоплівае пытанні тэхнічнага нарміравання, стандартызацыі, павышэння тэхнічнага ўзроўню прадукцыі, сэрвіснага абслугоўвання, кампетэнтнасці, матывацыі і стымулявання персаналу, укаранення стандартызаваных тэхнік якасці і іншых падыходаў, накіраваных на павышэнне якасці гатовай прадукцыі.
Намеснік міністра прамысловасці расказаў: на працягу 2021-2023 гадоў арганізацыямі сістэмы Мінпрама было рэалізавана больш за 12 тыс. мерапрыемстваў па павышэнні якасці выпускаемай прадукцыі, а за дзевяць месяцаў 2024 года - ужо звыш 3,1 тыс.
"Усе вытворцы сертыфікавалі свае сістэмы менеджменту якасці на адпаведнасць патрабаванням дзяржаўнага стандарту СТБ ISO 9001-2015, дадаткова некаторыя вытворцы сертыфікавалі свае сістэмы менеджменту таксама на адпаведнасць патрабаванням стандартаў, што ўлічваюць галіновую спецыфіку вытворчасці", - падкрэсліў Андрэй Кузняцоў.
Як было адзначана, пытанні якасці і арганізацыі сэрвіснага абслугоўвання рэгулярна разглядаюцца на калегіях Міністэрства прамысловасці. У мэтах узмацнення сістэмнай работы ў галіне якасці ў Мінпраме створана камісія, якая вызначае асноўныя вектары работы па гэтым напрамку.
Андрэй Кузняцоў звярнуў увагу на тое, што супрацоўнікі Міністэрства прамысловасці сумесна з падведамнымі арганізацыямі прымаюць удзел у разглядзе праектаў тэхнічных рэгламентаў ЕАЭС і змяненняў у іх, праектаў міждзяржаўных і дзяржаўных стандартаў, мэтазгоднасці ўвядзення распрацаваных і адмены ўстарэлых стандартаў, дзеючых стандартаў для ацэнкі іх навукова-тэхнічнага ўзроўню, падрыхтаваных Дзяржстандартам праектаў нарматыўных прававых актаў у галіне тэхнічнага рэгулявання.
"Прадпрыемствамі сістэмы Мінпрама шырока выкарыстоўваюцца сучасныя падыходы да кіравання якасцю, у тым ліку такія, як беражлівая вытворчасць, канцэпцыя "Шэсць сігм", філасофія ўсеагульнага кіравання якасцю і адпаведныя ім тэхнікі эфектыўнага менеджменту, - дадаў намеснік міністра. - У выпадку інструментаў беражлівай вытворчасці, напрыклад, распаўсюджана сістэма 5S (сартаванне, захаванне парадку, утрыманне ў чысціні, стандартызацыя, удасканаленне)".
Асобнымі арганізацыямі міністэрства самастойна распрацоўваюцца стандарты, у тым ліку ў рамках праграмы па развіцці электратранспарту і стандарты да тэхнічных рэгламентаў Мытнага саюза. На базе ўласных акрэдытаваных лабараторый арганізацыямі вядзецца паверка, каліброўка і атэстацыя сродкаў вымярэнняў і выпрабаванняў, што прымяняюцца на ўсіх этапах вытворчасці.
На кожным прадпрыемстве, паводле слоў намесніка міністра, удзяляецца ўвага і развіццю выпрабавальнай базы, аснашчэнню новымі высокатэхналагічнымі сродкамі вымярэнняў. У прыватнасці, у рамках планаў тэхнічнага развіцця МТЗ у Цэнтры выпрабавання трактарнай тэхнікі холдынга на 2024 год запланавана правядзенне дзевяці мерапрыемстваў па аснашчэнні і пашырэнні выпрабавальнай базы, якія ўключаюць закупку вымяральнага абсталявання, прыбораў і выпрабавальных стэндаў.
Мінпрамам распрацавана і рэалізуецца і інвестыцыйная праграма па стварэнні імпартазамяшчальных вытворчасцей, вялікая ўвага ўдзяляецца кадрам і навуковай рабоце. Так, 23 арганізацыі сістэмы Мінпрама ўжо атрымалі статус навуковай арганізацыі, створана 19 галіновых лабараторый.
"Праводзімая нашымі арганізацыямі сістэмная работа адзначана Саветам Міністраў. У бягучым годзе на саісканне прэміі ўрада за дасягненні ў галіне якасці прэтэндуюць пяць арганізацый Мінпрама, - падагульніў намеснік міністра прамысловасці Андрэй Кузняцоў. - У цэлым правядзенне мерапрыемстваў па павышэнні якасці прадукцыі і вытворчасці не павінна абмяжоўвацца выключна Годам якасці, і рабоце па гэтым напрамку мы ўдзелім самую пільную ўвагу і ў далейшым, таму што ў першую чаргу ад якасці залежыць колькасць вырабленай і прададзенай прадукцыі, а значыць, і ўзровень жыцця ў краіне".-0-
Падпісвайцеся на нас у
