Дзяржаўны знак якасці быў заснаваны ўказам Прэзідэнта Беларусі нумар 21 ад 18 студзеня 2024 года. Ён прысвойваецца харчовым, прамысловым таварам для насельніцтва, прадукцыі вытворча-тэхнічнага прызначэння, якія выраблены юрыдычнымі асобамі Беларусі і адпавядаюць такім паказчыкам, як бяспека, экалагічнасць, інавацыйнасць, тэхналагічнасць, эстэтычнасць. Першымі ў гісторыі суверэннай Беларусі ўладальнікамі Дзяржаўнага знака якасці сталі 17 прадпрыемстваў, а па выніках 2025 года ён прысвоены 12 таварам, сярод якіх як машыны, так і любімыя ўсімі ласункі. Пра ўладальнікаў найвышэйшай узнагароды - у матэрыяле БЕЛТА.
Збожжаўборачны самаходны камбайн GS12А1
Збожжаўборачны камбайн GS12A1, вытворцам якога з'яўляецца ААТ "Гомсельмаш", - спалучэнне камфорту, правераных часам тэхналогій і тэхнічных рашэнняў.
"Прадукцыйнасць, універсальнасць, беражлівая малацьба, уборка засмечанага, высокасаломістага і вільготнага збожжа, прастата - бясспрэчныя перавагі камбайна GS12A1, якія робяць яго самым запатрабаваным у сваім класе. Новая сучасная кабіна камбайна UNI CAB абсталявана ўсім неабходным для камфортнай работы, а бонусам з'яўляецца выдатная агляднасць з рабочага месца. Эрганамічны джойсцік, відэанагляд за рабочымі зонамі, аўдыясістэма, халадзільнік з функцыяй падагравання, бокс для ахаладжэння напіткаў, клімат-кантроль, рулявая калонка, крэсла на пнеўмападвесцы з рэгуліроўкамі і шмат іншага - усё гэта дазваляе наладзіць індывідуальна і камфортна рабочае месца камбайнера", - расказалі на прадпрыемстве.
Камбайн аснашчаны моцнай святлодыёднай сістэмай асвятлення рабочай зоны LED VISION з дзесяццю фарамі, што садзейнічае эфектыўнай уборцы ўраджаю нават у цёмны час сутак.
"З мэтай мінімізацыі прастояў у GS12A1 рэалізавана аўтаматычная цэнтралізаваная сістэма змазкі ALS, якая павышае надзейнасць 26 асноўных вузлоў і скарачае час на тэхабслугоўванне. Прадукцыйнасць камбайна GS12A1 дасягаецца за кошт паскарэння патоку збожжавай масы барабанам-паскаральнікам перад малацільным барабанам. Павялічаныя аб'ёмы барабанаў у спалучэнні з павялічанай плошчай двайнога падбарабання далі магчымасць зрабіць шлях малацьбы больш працяглым, а саму малацьбу - больш беражлівай", - характарызуюць машыну вытворцы.
Акрамя таго, зубцы барабана-паскаральніка раўнамерна размяркоўваюць масу, зніжаючы нагрузку на малацільны барабан і асноўнае падбарабанне. Гэта дазваляе атрымаць стабільную і эфектыўную малацьбу, забяспечваючы камбайну перавагу на ўборцы вільготнага і самага складанага збожжа.
"Бункер аб'ёмам 9,5 тыс. л, аснашчаны віброднам, аптымальна падыходзіць для сярэдніх гаспадарак. Апусташэнне поўнага бункера адбываецца менш як за дзве мінуты дзякуючы скорасці выгрузкі 90 л/с", - адзначылі на прадпрыемстве.
Паўільняны змякчаны плед
Плед змякчаны паўільняны ад РУВГП "Аршанскі льнокамбінат" адпавядае ўсім патрабаванням, што выстаўляюцца да якасці такой прадукцыі, адпавядае паказчыкам бяспекі, мае высокія фізіка-механічныя, фізіка-хімічныя спажывецкія ўласцівасці, выдатны знешні выгляд і зносастойкасць.
"Адметнай асаблівасцю заяўленага пледа з'яўляецца тое, што ён выраблены з выкарыстаннем інавацыйнай катанізаванай пражы з валакна, набліжанага па сваіх уласцівасцях да баваўнянага з захаваннем усіх станоўчых характарыстык ільну. У параўнанні са звычайнай пражай з доўгага льновалакна катанізаваная пража не мае патаўшчэнняў, шышачак, вузельчыкаў і больш мяккая. Прымяненне рознаўсадачнай пражы пры фарміраванні тканіны дазволіла пасля мыцця атрымліваць на тканінах зусім новыя інавацыйныя фактуры, якія раней не прымяняліся на льняных і льнозмяшчальных тканінах", - расказаў намеснік генеральнага дырэктара прадпрыемства Сяргей Сідзін.
Ён таксама адзначыў, што льняны змякчаны плед - гэта ўнікальнае спалучэнне камфорту і эстэтыкі, што немагчыма не ацаніць.
"Гэта адзін з самых экалагічна чыстых і гіпаалергенных матэрыялаў, ён не мае хімічных дабавак і сінтэтычных валокнаў, што робіць яго ідэальным выбарам для людзей з адчувальнай скурай або алергіяй. Здольнасць рэгуляваць цеплаабмен стварае льняному пледу ўніверсальнасць у любую пару года, ён таксама валодае высокай вільгацеадводнай здольнасцю. Лён - адзіны матэрыял, на паверхні якога ў працэсе эксплуатацыі не ўтвараюцца зарады статычнай электрычнасці, ён садзейнічае зніжэнню ўзроўню статыкі памяшканняў і добра здымае статычную электрычнасць з цела", - адзначыў Сяргей Сідзін.
Ільняныя пледы не толькі функцыянальныя, але і элегантныя. Дзякуючы прыроднай структуры і натуральнаму бляску яны выдатна ўпісваюцца ў любы інтэр'ер.
Марожанае пламбір з пахам ванілі ў вафельным стаканчыку "1962"
Пламбір з масавай доляй тлушчу ў малочнай частцы прадукту 12 працэнтаў выпускае ААТ "Кобрынскі масларобна-сыраробны завод", дзе гэта марожанае нараўне з іншымі ўваходзіць у лінейку савецкай класікі.
"Гэты пламбір атрымаў такую назву невыпадкова: ён вырабляецца па рэцэптуры 1962 года. Гэта рэцэптура ўяўляе сабой класічны савецкі пламбір - эталон сметанковага марожанага, які вызначаецца найвышэйшай якасцю, пажыўнай каштоўнасцю і вельмі лёгкай кансістэнцыяй. Важным момантам з'яўляецца тое, што ў рэцэптуры гэтага марожанага поўнасцю адсутнічаюць раслінны тлушч, стабілізатары тыпу гуаравай камедзі, эмульгатары (акрамя лецыціну з жаўтка), кансерванты, узмацняльнікі смаку", - расказала начальнік аддзела маркетынгу Кобрынскага масларобна-сыраробнага завода Вольга Куляшова.
У саставе класічнага пламбіру - яечны жаўток, менавіта ён надае марожанаму жаўтаватае адценне і прыемную пластычную, практычна крэмавую тэкстуру.
"Марожанае пламбір з пахам ванілі ў вафельным стаканчыку "1962" - гэта прадукт прэміум-класа з натуральным саставам, а выбіраюць яго спажыўцы за сапраўдны малочна-сметанковы смак, які застаецца эталонам для многіх пакаленняў, гэта сапраўдны смак з дзяцінства", - адзначыла Вольга Куляшова.
У 2025 годзе было рэалізавана больш за 14 т марожанага "1962". Яго смак знаёмы і спажыўцам на знешнім рынку, уключаючы кітайскіх аматараў гэтага ласунку.
Рухавік MMZ-3LD - адна з ключавых распрацовак ААТ "ККХ "ММЗ", якая не ўступае імпартным аналагам, а па шэрагу параметраў нават перасягае іх. Дзякуючы гэтаму ён паспяхова прымяняецца для замяшчэння замежных агрэгатаў, уключаючы тыя, што выйшлі са строю і патрабуюць замены.
"Прысваенне прадукцыі Мінскага маторнага завода Дзяржаўнага знака якасці - не толькі высокая ўзнагарода і прызнанне, але і магутны стымул рухацца далей, развіваць лінейку рухавікоў і прадаўжаць утрымліваць планку якасці, якой можна ганарыцца", - падкрэсліў дырэктар ММЗ Аляксандр Бацвіннік.
Паводле яго слоў, на прадпрыемстве стварылі рухавік, які будзе працаваць стабільна, эканамічна і безадмоўна ў самых розных умовах.
"ААТ "ККХ "ММЗ" з'яўляецца адзіным вытворцам трохцыліндравых дызельных рухавікоў з вадкаснай сістэмай ахаладжэння як у Рэспубліцы Беларусь, так і ў краінах блізкага замежжа. Высокая ацэнка, якую атрымаў рухавік 3LD, абумоўлена яго рэальнымі эксплуатацыйнымі перавагамі. Канструкцыя разлічана на працяглую работу пад высокімі нагрузкамі і ў складаным клімаце. Эканамічнасць дасягаецца за кошт аптымізаванага расходу паліва, што робіць рухавік выгадным рашэннем для сельскагаспадарчай, камунальнай і прамысловай тэхнікі. Прастата абслугоўвання забяспечваецца прадуманай канструкцыяй і зручным доступам да асноўных вузлоў, што зніжае затраты на сэрвіс. А ўніверсальнасць дазваляе выкарыстоўваць 3LD у шырокім спектры машын і механізмаў, робячы яго запатрабаваным у розных галінах", - расказаў галоўны канструктар прадпрыемства Міхаіл Клясо.
Кабелі з ізаляцыяй са сшытага поліэтылену 6-330 кВ
Гордасцю прадпрыемства называюць кабелі з ізаляцыяй са сшытага поліэтылену 6-330 кВ.
"Гэта не проста прадукт, а інжынернае рашэнне. Запатэнтаваная маналітная жыла зніжае страты і ідэальная для вільготных грунтоў. Трохжыльная канструкцыя эканоміць сродкі пры будаўніцтве. А наш унікальны лёгка аддзяляльны слой - гэта рэвалюцыя ў мантажы", - адзначылі на прадпрыемстве.
На вытворчасці створана ўласная акрэдытаваная лабараторыя, дзе праводзяцца ўсе віды выпрабаванняў. Шматступеньчаты кантроль забяспечваецца на кожным этапе, ад сыравіны да ўпакоўкі, - гэта гарантыя таго, што кожны метр кабелю адпавядае найвышэйшым стандартам.
Удзельная вага экспартных паставак прадукцыі ў 2025 годзе склала 35 працэнтаў ад агульнага аб'ёму.
"Кабелі з ізаляцыяй са сшытага поліэтылену з'яўляюцца высокатэхналагічным і інавацыйным рашэннем, якое дае магчымасць замяніць паветраныя лініі электраперадач у буйных гарадах. Гэта імпартазамяшчальны прадукт, і наша прадпрыемства здольна поўнасцю забяспечыць патрэбнасць унутранага рынку ў гэтым сегменце кабельнай прадукцыі", - адзначылі ў ТАА "Вытворчае аб'яднанне" Энергакамплект".
Аўтамабіль Belgee X50
Атрыманне Дзяржаўнага знака якасці для мадэлі Belgee X50, паводле слоў кіраўніцтва СЗАТ "БЕЛДЖЫ", - гэта вынік паслядоўнай работы ўсяго калектыву прадпрыемства.
"З моманту запуску завода мы абапіраліся на стандарты нашага партнёра Geely, які больш за 10 гадоў валодае Volvo і прымяняе прынцыпы якасці і бяспекі гэтага брэнда. Мы прааналізавалі прадукцыю і прыйшлі да высновы, што X50 адпавядае крытэрыям для атрымання знака якасці. Рашэнне было заснавана на рэальных паказчыках мадэлі, якія былі пацверджаны і незалежнай экспертызай. Адзначу, што ў 2023 годзе мы пацвердзілі званне лаўрэата прэміі ўрада за дасягненні ў галіне якасці і канкурэнтаздольнасці прадукцыі. Гэта паказала, што прадпрыемства рухаецца ў правільным напрамку", - расказаў дырэктар "БЕЛДЖЫ" Генадзь Свідзерскі.
У Беларусі ў 2025 годзе было прададзена больш як 11 тыс. адзінак X50, рост склаў 33 працэнты ў параўнанні з 2024 годам. Мадэль заняла першае месца сярод красовераў на беларускім рынку, а попыт з боку пакупнікоў - важны індыкатар якасці прадукцыі.
"X50 запатрабаваны рознымі катэгорыямі пакупнікоў: прыватнымі кліентамі, кампаніямі для карпаратыўных паркаў, службамі таксі, каршэрынгавымі сэрвісамі. Такая ўніверсальнасць патрабуе высокай надзейнасці і прадуманай канструкцыі. Мы не робім танныя аўтамабілі - мы робім даступнымі якасныя аўтамабілі. Гэта прынцыповая розніца. І X50 даказаў, што можна прапанаваць сучасны, бяспечны, тэхналагічны прадукт па разумнай цане", - адзначыў Генадзь Свідзерскі.
На прадпрыемстве паслядоўна павялічваюць узровень лакалізацыі, што ўплывае на стабільнасць якасці прадукцыі. Тут выбудавана сістэма кантролю ад уваходнай прыёмкі камплектуючых да фінальнай праверкі гатовага аўтамабіля.
"Мы прадаўжаем работу над лакалізацыяй ключавых працэсаў. У планах - будаўніцтва і запуск уласнай штамповачнай вытворчасці для большага кантролю над тэхналагічным ланцужком. У вытворчасць выходзяць новыя мадэлі, уключаючы гібрыдны X80. Гэта патрабуе асваення новых тэхналогій. Па аўтакампанентах мы супрацоўнічаем з беларускімі і расійскімі вытворцамі, выбудоўваем сістэму кантролю якасці на ўсіх этапах паставак. Belgee - малады брэнд. І Знак якасці садзейнічае фарміраванню даверу да маркі, асабліва сярод пакупнікоў, якія яшчэ не знаёмы з нашай прадукцыяй. Рынак улічвае беларускую якасць, асабліва калі яна адзначана дзяржаўным знакам", - падкрэсліў кіраўнік.
Машына для ўнясення пылападобных хіммеліярантаў МШХ-9
У ААТ "Кіруючая кампанія холдынга "Бабруйскаграмаш", што з'яўляецца вытворцам машыны для ўнясення пылападобных хіммеліярантаў, у першую чаргу зрабілі стаўку на яе ўніверсальнасць: машыну можна выкарыстоўваць для ўнясення мінеральных угнаенняў, даламітавай мукі, вапны - МШХ-9 усё пад сілу.
Прымяняючы МШХ-9, сельгасвытворцы атрымліваюць эканомію часу на ўнясенне ўгнаенняў, зменшаную колькасць праходаў па полі, а значыць, і эканомію гаруча-змазачных матэрыялаў, скарачэнне парку тэхнікі для ўнясення ўгнаенняў дзякуючы большаму аб'ёму і ўніверсальнасці раскідальніка.
Універсальны пагрузчык AMKODOR W500C
Прысваенне Дзяржаўнага знака якасці ўніверсальнаму пагрузчыку AMKODOR W500C - гэта пацвярджэнне таго, што новая тэхніка холдынга "АМКАДОР" адпавядае самым высокім патрабаванням па надзейнасці, бяспецы і эфектыўнасці.
"Для нас гэта не проста ўзнагарода, а вынік сістэмнай і паслядоўнай работы канструктараў, тэхнолагаў і вытворцаў, накіраванай на задаволенасць нашага спажыўца. AMKODOR W500C з'яўляецца флагманам новай лінейкі ўніверсальных пагрузчыкаў і ўяўляе сабой значны крок наперад у плане развіцця інавацый, увасаблення канструктарскіх рашэнняў, тэхналагічнасці, стварэння камфортных і бяспечных умоў працы аператара", - адзначыў начальнік цэнтра перспектыўнага развіцця ТАА "АМКАДОР-МАШ" - кіруючая кампанія холдынга" Віталь Пышынскі.
Немалаважным з'яўляецца тое, што дасягнуты ўзровень лакалізацыі пры вытворчасці пагрузчыка складае практычна 100 працэнтаў.
Сёння AMKODOR W500C паспяхова запушчаны ў серыйную вытворчасць. Аб запатрабаванасці гэтай мадэлі сведчыць высокі інтарэс з боку заказчыкаў на рынку ЕЭС.
Садовыя арэлі "Александрыя"
У лінейцы садовай мэблі ААТ "Ольса", якая налічвае больш за 500 мадэлей, дастойнае месца займаюць садовыя арэлі "Александрыя".
"Гэта мадэль арэляў распрацавана і пастаўлена на вытворчасць у 2021 годзе сіламі нашых канструктараў і маркетолагаў. У стварэнні сваёй прадукцыі мы аб'ядноўваем навуковыя дасягненні, сучасныя трэнды рынку і стыльныя дызайнерскія рашэнні. Арэлі садовыя "Александрыя" - гэта незаменны прадмет для стварэння зоны адпачынку ў садзе, на тэрасе, адкрытай верандзе, дзе можна любавацца цудоўнай прыродай Беларусі. Выраб з'яўляецца эксклюзіўным і не мае аналагаў на рынку", - расказалі на прадпрыемстве.
Выраб характарызуецца павялічанай нагрузкай на сядзенне да 480 кг, камфортнасцю і эстэтычнасцю мяккіх элементаў і падушак, прадугледжвае трансфармацыю сядзення ў гарызантальнае становішча для сну на адкрытым паветры.
Стабільны попыт на выраб пацвярджаецца дынамікай продажаў. Так, за апошнія пяць гадоў аб'ём вытворчасці і рэалізацыі арэляў садовых "Александрыя" павялічыліся ў чатыры разы, удзельная вага экспарту склала больш як 80 працэнтаў, геаграфія продажаў ахоплівае рынак Беларусі і рынкі ўсіх краін СНД.
Каменціруючы вынікі прысваення прадукцыі Дзяржаўнага знака якасці ў 2025 годзе, старшыня Дзяржаўнага камітэта па стандартызацыі, намеснік старшыні Рэспубліканскай атэстацыйнай камісіі Алена Маргунова адзначыла, што прадукцыя з Дзяржаўным знакам якасці павінна быць найвышэйшага ўзроўню і атаясамлівацца з Беларуссю.
"Зрабіўшы якасць іміджам краіны, мы павінны прыкладаць максімум намаганняў, каб не толькі ўтрымліваць дасягнуты ўзровень, але і пастаянна яго павышаць. Дзяржаўны знак якасці задае высокую планку, але дасягальную. Да яе трэба імкнуцца. Лічу, што такі падыход дзяржавы паказвае курс на актыўнае ўключэнне эканамічнага сектара ў работу па якасці і дасягненні найлепшых вынікаў. Толькі так мы зможам забяспечыць выкананне ўсіх задач будучай пяцігодкі, нацэленых на новую якасць жыцця кожнага чалавека", - падкрэсліла Алена Маргунова.-0-
Збожжаўборачны самаходны камбайн GS12А1
Збожжаўборачны камбайн GS12A1, вытворцам якога з'яўляецца ААТ "Гомсельмаш", - спалучэнне камфорту, правераных часам тэхналогій і тэхнічных рашэнняў.
"Прадукцыйнасць, універсальнасць, беражлівая малацьба, уборка засмечанага, высокасаломістага і вільготнага збожжа, прастата - бясспрэчныя перавагі камбайна GS12A1, якія робяць яго самым запатрабаваным у сваім класе. Новая сучасная кабіна камбайна UNI CAB абсталявана ўсім неабходным для камфортнай работы, а бонусам з'яўляецца выдатная агляднасць з рабочага месца. Эрганамічны джойсцік, відэанагляд за рабочымі зонамі, аўдыясістэма, халадзільнік з функцыяй падагравання, бокс для ахаладжэння напіткаў, клімат-кантроль, рулявая калонка, крэсла на пнеўмападвесцы з рэгуліроўкамі і шмат іншага - усё гэта дазваляе наладзіць індывідуальна і камфортна рабочае месца камбайнера", - расказалі на прадпрыемстве.
Камбайн аснашчаны моцнай святлодыёднай сістэмай асвятлення рабочай зоны LED VISION з дзесяццю фарамі, што садзейнічае эфектыўнай уборцы ўраджаю нават у цёмны час сутак.
"З мэтай мінімізацыі прастояў у GS12A1 рэалізавана аўтаматычная цэнтралізаваная сістэма змазкі ALS, якая павышае надзейнасць 26 асноўных вузлоў і скарачае час на тэхабслугоўванне. Прадукцыйнасць камбайна GS12A1 дасягаецца за кошт паскарэння патоку збожжавай масы барабанам-паскаральнікам перад малацільным барабанам. Павялічаныя аб'ёмы барабанаў у спалучэнні з павялічанай плошчай двайнога падбарабання далі магчымасць зрабіць шлях малацьбы больш працяглым, а саму малацьбу - больш беражлівай", - характарызуюць машыну вытворцы.
Акрамя таго, зубцы барабана-паскаральніка раўнамерна размяркоўваюць масу, зніжаючы нагрузку на малацільны барабан і асноўнае падбарабанне. Гэта дазваляе атрымаць стабільную і эфектыўную малацьбу, забяспечваючы камбайну перавагу на ўборцы вільготнага і самага складанага збожжа.
"Бункер аб'ёмам 9,5 тыс. л, аснашчаны віброднам, аптымальна падыходзіць для сярэдніх гаспадарак. Апусташэнне поўнага бункера адбываецца менш як за дзве мінуты дзякуючы скорасці выгрузкі 90 л/с", - адзначылі на прадпрыемстве.
Паўільняны змякчаны плед
Плед змякчаны паўільняны ад РУВГП "Аршанскі льнокамбінат" адпавядае ўсім патрабаванням, што выстаўляюцца да якасці такой прадукцыі, адпавядае паказчыкам бяспекі, мае высокія фізіка-механічныя, фізіка-хімічныя спажывецкія ўласцівасці, выдатны знешні выгляд і зносастойкасць.
"Адметнай асаблівасцю заяўленага пледа з'яўляецца тое, што ён выраблены з выкарыстаннем інавацыйнай катанізаванай пражы з валакна, набліжанага па сваіх уласцівасцях да баваўнянага з захаваннем усіх станоўчых характарыстык ільну. У параўнанні са звычайнай пражай з доўгага льновалакна катанізаваная пража не мае патаўшчэнняў, шышачак, вузельчыкаў і больш мяккая. Прымяненне рознаўсадачнай пражы пры фарміраванні тканіны дазволіла пасля мыцця атрымліваць на тканінах зусім новыя інавацыйныя фактуры, якія раней не прымяняліся на льняных і льнозмяшчальных тканінах", - расказаў намеснік генеральнага дырэктара прадпрыемства Сяргей Сідзін.
Ён таксама адзначыў, што льняны змякчаны плед - гэта ўнікальнае спалучэнне камфорту і эстэтыкі, што немагчыма не ацаніць.
"Гэта адзін з самых экалагічна чыстых і гіпаалергенных матэрыялаў, ён не мае хімічных дабавак і сінтэтычных валокнаў, што робіць яго ідэальным выбарам для людзей з адчувальнай скурай або алергіяй. Здольнасць рэгуляваць цеплаабмен стварае льняному пледу ўніверсальнасць у любую пару года, ён таксама валодае высокай вільгацеадводнай здольнасцю. Лён - адзіны матэрыял, на паверхні якога ў працэсе эксплуатацыі не ўтвараюцца зарады статычнай электрычнасці, ён садзейнічае зніжэнню ўзроўню статыкі памяшканняў і добра здымае статычную электрычнасць з цела", - адзначыў Сяргей Сідзін.
Ільняныя пледы не толькі функцыянальныя, але і элегантныя. Дзякуючы прыроднай структуры і натуральнаму бляску яны выдатна ўпісваюцца ў любы інтэр'ер.
Марожанае пламбір з пахам ванілі ў вафельным стаканчыку "1962"
Пламбір з масавай доляй тлушчу ў малочнай частцы прадукту 12 працэнтаў выпускае ААТ "Кобрынскі масларобна-сыраробны завод", дзе гэта марожанае нараўне з іншымі ўваходзіць у лінейку савецкай класікі.
"Гэты пламбір атрымаў такую назву невыпадкова: ён вырабляецца па рэцэптуры 1962 года. Гэта рэцэптура ўяўляе сабой класічны савецкі пламбір - эталон сметанковага марожанага, які вызначаецца найвышэйшай якасцю, пажыўнай каштоўнасцю і вельмі лёгкай кансістэнцыяй. Важным момантам з'яўляецца тое, што ў рэцэптуры гэтага марожанага поўнасцю адсутнічаюць раслінны тлушч, стабілізатары тыпу гуаравай камедзі, эмульгатары (акрамя лецыціну з жаўтка), кансерванты, узмацняльнікі смаку", - расказала начальнік аддзела маркетынгу Кобрынскага масларобна-сыраробнага завода Вольга Куляшова.
У саставе класічнага пламбіру - яечны жаўток, менавіта ён надае марожанаму жаўтаватае адценне і прыемную пластычную, практычна крэмавую тэкстуру.
"Марожанае пламбір з пахам ванілі ў вафельным стаканчыку "1962" - гэта прадукт прэміум-класа з натуральным саставам, а выбіраюць яго спажыўцы за сапраўдны малочна-сметанковы смак, які застаецца эталонам для многіх пакаленняў, гэта сапраўдны смак з дзяцінства", - адзначыла Вольга Куляшова.
У 2025 годзе было рэалізавана больш за 14 т марожанага "1962". Яго смак знаёмы і спажыўцам на знешнім рынку, уключаючы кітайскіх аматараў гэтага ласунку.
Дызельны рухавік MMZ-3LD
Рухавік MMZ-3LD - адна з ключавых распрацовак ААТ "ККХ "ММЗ", якая не ўступае імпартным аналагам, а па шэрагу параметраў нават перасягае іх. Дзякуючы гэтаму ён паспяхова прымяняецца для замяшчэння замежных агрэгатаў, уключаючы тыя, што выйшлі са строю і патрабуюць замены.
"Прысваенне прадукцыі Мінскага маторнага завода Дзяржаўнага знака якасці - не толькі высокая ўзнагарода і прызнанне, але і магутны стымул рухацца далей, развіваць лінейку рухавікоў і прадаўжаць утрымліваць планку якасці, якой можна ганарыцца", - падкрэсліў дырэктар ММЗ Аляксандр Бацвіннік.
Паводле яго слоў, на прадпрыемстве стварылі рухавік, які будзе працаваць стабільна, эканамічна і безадмоўна ў самых розных умовах.
"ААТ "ККХ "ММЗ" з'яўляецца адзіным вытворцам трохцыліндравых дызельных рухавікоў з вадкаснай сістэмай ахаладжэння як у Рэспубліцы Беларусь, так і ў краінах блізкага замежжа. Высокая ацэнка, якую атрымаў рухавік 3LD, абумоўлена яго рэальнымі эксплуатацыйнымі перавагамі. Канструкцыя разлічана на працяглую работу пад высокімі нагрузкамі і ў складаным клімаце. Эканамічнасць дасягаецца за кошт аптымізаванага расходу паліва, што робіць рухавік выгадным рашэннем для сельскагаспадарчай, камунальнай і прамысловай тэхнікі. Прастата абслугоўвання забяспечваецца прадуманай канструкцыяй і зручным доступам да асноўных вузлоў, што зніжае затраты на сэрвіс. А ўніверсальнасць дазваляе выкарыстоўваць 3LD у шырокім спектры машын і механізмаў, робячы яго запатрабаваным у розных галінах", - расказаў галоўны канструктар прадпрыемства Міхаіл Клясо.
Кабелі з ізаляцыяй са сшытага поліэтылену 6-330 кВ
"Наша прадпрыемства - гэта вытворчасць поўнага цыкла: ад паставак лепшай сусветнай сыравіны да выпуску вельмі складаных кабельных сістэм. Штогод больш як 60 тыс. т сыравіны вышэйшай якасці праходзіць праз нашы цэхі, аснашчаныя лепшым абсталяваннем ад сусветных лідараў. Тут злучаюцца беларуская надзейнасць і перадавыя міжнародныя тэхналогіі. Агульная наменклатура выпускаемай прадукцыі складае звыш 200 тыс. маркапамераў", - расказалі ў ТАА "Вытворчае аб'яднанне "Энергакамплект".
Гордасцю прадпрыемства называюць кабелі з ізаляцыяй са сшытага поліэтылену 6-330 кВ.
"Гэта не проста прадукт, а інжынернае рашэнне. Запатэнтаваная маналітная жыла зніжае страты і ідэальная для вільготных грунтоў. Трохжыльная канструкцыя эканоміць сродкі пры будаўніцтве. А наш унікальны лёгка аддзяляльны слой - гэта рэвалюцыя ў мантажы", - адзначылі на прадпрыемстве.
На вытворчасці створана ўласная акрэдытаваная лабараторыя, дзе праводзяцца ўсе віды выпрабаванняў. Шматступеньчаты кантроль забяспечваецца на кожным этапе, ад сыравіны да ўпакоўкі, - гэта гарантыя таго, што кожны метр кабелю адпавядае найвышэйшым стандартам.
"За ўсімі тэхналогіямі, сертыфікатамі і ўзнагародамі стаяць людзі. Наша каманда - гэта галоўная каштоўнасць і крыніца сілы. Мы не проста вырабляем кабель. Мы ствараем надзейныя энергетычныя сувязі для глабальных праектаў і ўстойлівага развіцця", - адзначылі на прадпрыемстве.
Удзельная вага экспартных паставак прадукцыі ў 2025 годзе склала 35 працэнтаў ад агульнага аб'ёму.
"Кабелі з ізаляцыяй са сшытага поліэтылену з'яўляюцца высокатэхналагічным і інавацыйным рашэннем, якое дае магчымасць замяніць паветраныя лініі электраперадач у буйных гарадах. Гэта імпартазамяшчальны прадукт, і наша прадпрыемства здольна поўнасцю забяспечыць патрэбнасць унутранага рынку ў гэтым сегменце кабельнай прадукцыі", - адзначылі ў ТАА "Вытворчае аб'яднанне" Энергакамплект".
Аўтамабіль Belgee X50
Атрыманне Дзяржаўнага знака якасці для мадэлі Belgee X50, паводле слоў кіраўніцтва СЗАТ "БЕЛДЖЫ", - гэта вынік паслядоўнай работы ўсяго калектыву прадпрыемства.
"З моманту запуску завода мы абапіраліся на стандарты нашага партнёра Geely, які больш за 10 гадоў валодае Volvo і прымяняе прынцыпы якасці і бяспекі гэтага брэнда. Мы прааналізавалі прадукцыю і прыйшлі да высновы, што X50 адпавядае крытэрыям для атрымання знака якасці. Рашэнне было заснавана на рэальных паказчыках мадэлі, якія былі пацверджаны і незалежнай экспертызай. Адзначу, што ў 2023 годзе мы пацвердзілі званне лаўрэата прэміі ўрада за дасягненні ў галіне якасці і канкурэнтаздольнасці прадукцыі. Гэта паказала, што прадпрыемства рухаецца ў правільным напрамку", - расказаў дырэктар "БЕЛДЖЫ" Генадзь Свідзерскі.
У Беларусі ў 2025 годзе было прададзена больш як 11 тыс. адзінак X50, рост склаў 33 працэнты ў параўнанні з 2024 годам. Мадэль заняла першае месца сярод красовераў на беларускім рынку, а попыт з боку пакупнікоў - важны індыкатар якасці прадукцыі.
"X50 запатрабаваны рознымі катэгорыямі пакупнікоў: прыватнымі кліентамі, кампаніямі для карпаратыўных паркаў, службамі таксі, каршэрынгавымі сэрвісамі. Такая ўніверсальнасць патрабуе высокай надзейнасці і прадуманай канструкцыі. Мы не робім танныя аўтамабілі - мы робім даступнымі якасныя аўтамабілі. Гэта прынцыповая розніца. І X50 даказаў, што можна прапанаваць сучасны, бяспечны, тэхналагічны прадукт па разумнай цане", - адзначыў Генадзь Свідзерскі.
На прадпрыемстве паслядоўна павялічваюць узровень лакалізацыі, што ўплывае на стабільнасць якасці прадукцыі. Тут выбудавана сістэма кантролю ад уваходнай прыёмкі камплектуючых да фінальнай праверкі гатовага аўтамабіля.
"Мы прадаўжаем работу над лакалізацыяй ключавых працэсаў. У планах - будаўніцтва і запуск уласнай штамповачнай вытворчасці для большага кантролю над тэхналагічным ланцужком. У вытворчасць выходзяць новыя мадэлі, уключаючы гібрыдны X80. Гэта патрабуе асваення новых тэхналогій. Па аўтакампанентах мы супрацоўнічаем з беларускімі і расійскімі вытворцамі, выбудоўваем сістэму кантролю якасці на ўсіх этапах паставак. Belgee - малады брэнд. І Знак якасці садзейнічае фарміраванню даверу да маркі, асабліва сярод пакупнікоў, якія яшчэ не знаёмы з нашай прадукцыяй. Рынак улічвае беларускую якасць, асабліва калі яна адзначана дзяржаўным знакам", - падкрэсліў кіраўнік.
Машына для ўнясення пылападобных хіммеліярантаў МШХ-9
У ААТ "Кіруючая кампанія холдынга "Бабруйскаграмаш", што з'яўляецца вытворцам машыны для ўнясення пылападобных хіммеліярантаў, у першую чаргу зрабілі стаўку на яе ўніверсальнасць: машыну можна выкарыстоўваць для ўнясення мінеральных угнаенняў, даламітавай мукі, вапны - МШХ-9 усё пад сілу.
"Аб'ём бункера машыны складае 10 куб.м. Яна аснашчана двума відамі рабочых органаў - шнэкавымі штангамі і цэнтрабежным раскідвальным органам, або "талеркамі". Шнэкавыя штангі павялічваюць дакладнасць унясення. У выпадку павышанай вільготнасці меліярату, што не дазваляе скарыстацца штангамі, магчыма ўнясенне пылападобных хіммеліярантаў з дапамогай "талерак". Машына аснашчана ветраахоўнымі фартухамі. Менш пылу пры рабоце, а гэта толькі плюс для экалогіі. Шырыня ўнясення - 8-10 м, рабочая скорасць складае 6-10 км/гадз. Агрэгатуецца МШХ-9 з трактарамі 3-га цягавага класа і вышэй. Кіраванне рботай раскідальніка ажыццяўляецца з кабіны трактара", - расказаў намеснік генеральнага дырэктара "Бабруйскаграмаш" па якасці Андрэй Аксёнаў.
Прымяняючы МШХ-9, сельгасвытворцы атрымліваюць эканомію часу на ўнясенне ўгнаенняў, зменшаную колькасць праходаў па полі, а значыць, і эканомію гаруча-змазачных матэрыялаў, скарачэнне парку тэхнікі для ўнясення ўгнаенняў дзякуючы большаму аб'ёму і ўніверсальнасці раскідальніка.
Універсальны пагрузчык AMKODOR W500C
Прысваенне Дзяржаўнага знака якасці ўніверсальнаму пагрузчыку AMKODOR W500C - гэта пацвярджэнне таго, што новая тэхніка холдынга "АМКАДОР" адпавядае самым высокім патрабаванням па надзейнасці, бяспецы і эфектыўнасці.
"Для нас гэта не проста ўзнагарода, а вынік сістэмнай і паслядоўнай работы канструктараў, тэхнолагаў і вытворцаў, накіраванай на задаволенасць нашага спажыўца. AMKODOR W500C з'яўляецца флагманам новай лінейкі ўніверсальных пагрузчыкаў і ўяўляе сабой значны крок наперад у плане развіцця інавацый, увасаблення канструктарскіх рашэнняў, тэхналагічнасці, стварэння камфортных і бяспечных умоў працы аператара", - адзначыў начальнік цэнтра перспектыўнага развіцця ТАА "АМКАДОР-МАШ" - кіруючая кампанія холдынга" Віталь Пышынскі.
Машына атрымала трансмісію новага пакалення, павялічаную грузападымальнасць да 5 т, умяшчальны коўш аб'ёмам 3 куб.м. "Эксплуатацыйная маса пагрузчыка ўзрасла, палепшыліся дынамічныя характарыстыкі, што непасрэдна ўплывае на прадукцыйнасць і эфектыўнасць яго работы. Асобнай увагі заслугоўвае абноўлены знешні выгляд машыны, які спалучае ў сабе сучасны стыльны дызайн і функцыянальнасць: перапрацавана кампаноўка; новая прасторная кабіна, шкляныя дзверы і шкло, уклеенае ўшчыльную, забяспечваюць палепшаную агляднасць, камфорт і бяспеку аператара. Машына аснашчана гідрамеханічнай перадачай новага пакалення з электроннай сістэмай кіравання і аўтаматычным пераключэннем пад нагрузкай. Такі падыход дае магчымасць гаварыць пра тэхніку не толькі як пра надзейны рабочы інструмент, але і як пра машыну, якая адпавядае сучасным патрабаванням да эрганомікі і візуальнага аблічча. Павялічаны аб'ём паліўнага бака да 250 л. забяспечвае больш працяглую работу без дазапраўкі, што асабліва важна пры інтэнсіўнай эксплуатацыі ў камунальнай, будаўнічай і прамысловай сферах", - расказаў Віталь Пышынскі.
Немалаважным з'яўляецца тое, што дасягнуты ўзровень лакалізацыі пры вытворчасці пагрузчыка складае практычна 100 працэнтаў.
Сёння AMKODOR W500C паспяхова запушчаны ў серыйную вытворчасць. Аб запатрабаванасці гэтай мадэлі сведчыць высокі інтарэс з боку заказчыкаў на рынку ЕЭС.
Садовыя арэлі "Александрыя"
У лінейцы садовай мэблі ААТ "Ольса", якая налічвае больш за 500 мадэлей, дастойнае месца займаюць садовыя арэлі "Александрыя".
"Гэта мадэль арэляў распрацавана і пастаўлена на вытворчасць у 2021 годзе сіламі нашых канструктараў і маркетолагаў. У стварэнні сваёй прадукцыі мы аб'ядноўваем навуковыя дасягненні, сучасныя трэнды рынку і стыльныя дызайнерскія рашэнні. Арэлі садовыя "Александрыя" - гэта незаменны прадмет для стварэння зоны адпачынку ў садзе, на тэрасе, адкрытай верандзе, дзе можна любавацца цудоўнай прыродай Беларусі. Выраб з'яўляецца эксклюзіўным і не мае аналагаў на рынку", - расказалі на прадпрыемстве.
Выраб характарызуецца павялічанай нагрузкай на сядзенне да 480 кг, камфортнасцю і эстэтычнасцю мяккіх элементаў і падушак, прадугледжвае трансфармацыю сядзення ў гарызантальнае становішча для сну на адкрытым паветры.
"Арэлі садовыя "Александрыя" адпавядаюць самым высокім стандартам і запытам спажыўцоў. З першых паставак на рынак гэта мадэль арэляў заваявала інтарэс і давер пакупнікоў. Шырокае прызнанне атрымала ў вядомых гандлёвых сетак Беларусі і Расіі, вырабляецца пад уласнымі гандлёвымі маркамі ў індывідуальных калекцыях", - адзначылі ў ААТ "Ольса".
Стабільны попыт на выраб пацвярджаецца дынамікай продажаў. Так, за апошнія пяць гадоў аб'ём вытворчасці і рэалізацыі арэляў садовых "Александрыя" павялічыліся ў чатыры разы, удзельная вага экспарту склала больш як 80 працэнтаў, геаграфія продажаў ахоплівае рынак Беларусі і рынкі ўсіх краін СНД.
Каменціруючы вынікі прысваення прадукцыі Дзяржаўнага знака якасці ў 2025 годзе, старшыня Дзяржаўнага камітэта па стандартызацыі, намеснік старшыні Рэспубліканскай атэстацыйнай камісіі Алена Маргунова адзначыла, што прадукцыя з Дзяржаўным знакам якасці павінна быць найвышэйшага ўзроўню і атаясамлівацца з Беларуссю.
"Зрабіўшы якасць іміджам краіны, мы павінны прыкладаць максімум намаганняў, каб не толькі ўтрымліваць дасягнуты ўзровень, але і пастаянна яго павышаць. Дзяржаўны знак якасці задае высокую планку, але дасягальную. Да яе трэба імкнуцца. Лічу, што такі падыход дзяржавы паказвае курс на актыўнае ўключэнне эканамічнага сектара ў работу па якасці і дасягненні найлепшых вынікаў. Толькі так мы зможам забяспечыць выкананне ўсіх задач будучай пяцігодкі, нацэленых на новую якасць жыцця кожнага чалавека", - падкрэсліла Алена Маргунова.-0-
Падпісвайцеся на нас у
