12 чэрвеня, Мінск /Кар. БЕЛТА/. Надвор'е ў Беларусі пачне наладжвацца ў выхадныя. Аб гэтым паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Цяпер надвор'е наўрад ці можна назваць летнім. Большая частка тэрыторыі краіны прыкрыта шчыльнымі аблокамі, час ад часу ідуць дажджы, тэмпературны фон адстае ад кліматычнай нормы, а парывісты паўночна-заходні вецер робіць сітуацыю яшчэ больш дыскамфортнай. Аднак ёсць і добрая навіна: ужо ў бліжэйшыя суткі надвор'е пачне паляпшацца, і ў краіне стане цяплей", - расказалі ў Белгідрамеце.
У пятніцу, 13 чэрвеня, пад уплывам няўстойлівай паветранай масы дажджы пройдуць яшчэ на большай частцы тэрыторыі краіны, праўда, яны ўжо будуць кароткачасовымі, месцамі прагрымяць навальніцы. Раніцай і днём на большай частцы тэрыторыі будзе ўзмацняцца вецер з парывамі 15-20 м/с. Тэмпература паветра ноччу складзе 7-13 градусаў цяпла, на сярэдзіну дня слупкі тэрмометраў паднімуцца да адзнак плюс 17-22 градусы.
У суботу свой уплыў на тэрыторыю Беларусі распаўсюдзіць вобласць павышанага атмасфернага ціску, таму ў большасці раёнаў будзе пераважна без ападкаў, толькі па паўднёвым усходзе краіны, дзе ў няўстойлівай паветранай масе будуць развівацца кучава-дажджавыя аблокі, пройдуць кароткачасовыя дажджы. Ноччу і раніцай месцамі па захадзе магчымы слабы туман. Днём у некаторых раёнах па Магілёўскай вобласці яшчэ захаваецца моцны парывісты вецер 15-18 м/с. Тэмпература паветра ноччу складзе 8-14 градусаў вышэй за нуль, днём - плюс 18-24.
"Нядзеля парадуе жыхароў Беларусі спыненнем ападкаў і павышэннем тэмпературы паветра да 20-26 градусаў. Але цяплей за ўсё будзе ў панядзелак, калі паветра па краіне прагрэецца да плюс 21-28. Пры гэтым ападкі ў большасці раёнаў па-ранейшаму малаверагодныя, толькі днём па захадзе краіны, дзе пачне адчувацца ўплыў чарговага франтальнага раздзела, месцамі пройдуць кароткачасовыя дажджы, не выключаны навальніцы. У далейшым атмасферны ціск прадоўжыць падаць, павялічыцца колькасць аблокаў, а франтальныя раздзелы прынясуць новыя порцыі дажджоў. Пры гэтым тэмпературны фон зноў панізіцца", - адзначылі ў Белгідрамеце.
У нядзелю, 15 чэрвеня, будзе пераважна без ападкаў. Ноччу і раніцай у некаторых раёнах краіны магчымы слабы туман. Тэмпература паветра ноччу складзе 7-13 вышэй за нуль, днём - плюс 20-26 градусаў.
У асноўным без ападкаў будзе і ў панядзелак, толькі днём месцамі па захадзе краіны пройдуць кароткачасовыя дажджы, чакаюцца навальніцы. Ноччу і раніцай у некаторых раёнах прагназуецца слабы туман. Тэмпература паветра ноччу чакаецца плюс 7-14 градусаў. Днём будзе 21-28 градусаў.
У аўторак, 17 чэрвеня, на большай частцы тэрыторыі краіны пройдуць кароткачасовыя дажджы, днём месцамі чакаюцца навальніцы. Ноччу і раніцай у некаторых раёнах зноў абяцаюць слабы туман. Тэмпература паветра ноччу складзе ад плюс 8 да 15 градусаў. Днём будзе 17-24 градусы вышэй за нуль.
У сераду, 18 чэрвеня, месцамі па краіне пройдуць кароткачасовыя дажджы, днём чакаюцца навальніцы. Ноччу і раніцай у некаторых раёнах не абыдзецца без слабага туману. Тэмпература паветра ноччу складзе плюс 7-13 градусаў, днём 16-23 градусы.-0-
"Цяпер надвор'е наўрад ці можна назваць летнім. Большая частка тэрыторыі краіны прыкрыта шчыльнымі аблокамі, час ад часу ідуць дажджы, тэмпературны фон адстае ад кліматычнай нормы, а парывісты паўночна-заходні вецер робіць сітуацыю яшчэ больш дыскамфортнай. Аднак ёсць і добрая навіна: ужо ў бліжэйшыя суткі надвор'е пачне паляпшацца, і ў краіне стане цяплей", - расказалі ў Белгідрамеце.
У пятніцу, 13 чэрвеня, пад уплывам няўстойлівай паветранай масы дажджы пройдуць яшчэ на большай частцы тэрыторыі краіны, праўда, яны ўжо будуць кароткачасовымі, месцамі прагрымяць навальніцы. Раніцай і днём на большай частцы тэрыторыі будзе ўзмацняцца вецер з парывамі 15-20 м/с. Тэмпература паветра ноччу складзе 7-13 градусаў цяпла, на сярэдзіну дня слупкі тэрмометраў паднімуцца да адзнак плюс 17-22 градусы.
У суботу свой уплыў на тэрыторыю Беларусі распаўсюдзіць вобласць павышанага атмасфернага ціску, таму ў большасці раёнаў будзе пераважна без ападкаў, толькі па паўднёвым усходзе краіны, дзе ў няўстойлівай паветранай масе будуць развівацца кучава-дажджавыя аблокі, пройдуць кароткачасовыя дажджы. Ноччу і раніцай месцамі па захадзе магчымы слабы туман. Днём у некаторых раёнах па Магілёўскай вобласці яшчэ захаваецца моцны парывісты вецер 15-18 м/с. Тэмпература паветра ноччу складзе 8-14 градусаў вышэй за нуль, днём - плюс 18-24.
"Нядзеля парадуе жыхароў Беларусі спыненнем ападкаў і павышэннем тэмпературы паветра да 20-26 градусаў. Але цяплей за ўсё будзе ў панядзелак, калі паветра па краіне прагрэецца да плюс 21-28. Пры гэтым ападкі ў большасці раёнаў па-ранейшаму малаверагодныя, толькі днём па захадзе краіны, дзе пачне адчувацца ўплыў чарговага франтальнага раздзела, месцамі пройдуць кароткачасовыя дажджы, не выключаны навальніцы. У далейшым атмасферны ціск прадоўжыць падаць, павялічыцца колькасць аблокаў, а франтальныя раздзелы прынясуць новыя порцыі дажджоў. Пры гэтым тэмпературны фон зноў панізіцца", - адзначылі ў Белгідрамеце.
У нядзелю, 15 чэрвеня, будзе пераважна без ападкаў. Ноччу і раніцай у некаторых раёнах краіны магчымы слабы туман. Тэмпература паветра ноччу складзе 7-13 вышэй за нуль, днём - плюс 20-26 градусаў.
У асноўным без ападкаў будзе і ў панядзелак, толькі днём месцамі па захадзе краіны пройдуць кароткачасовыя дажджы, чакаюцца навальніцы. Ноччу і раніцай у некаторых раёнах прагназуецца слабы туман. Тэмпература паветра ноччу чакаецца плюс 7-14 градусаў. Днём будзе 21-28 градусаў.
У аўторак, 17 чэрвеня, на большай частцы тэрыторыі краіны пройдуць кароткачасовыя дажджы, днём месцамі чакаюцца навальніцы. Ноччу і раніцай у некаторых раёнах зноў абяцаюць слабы туман. Тэмпература паветра ноччу складзе ад плюс 8 да 15 градусаў. Днём будзе 17-24 градусы вышэй за нуль.
У сераду, 18 чэрвеня, месцамі па краіне пройдуць кароткачасовыя дажджы, днём чакаюцца навальніцы. Ноччу і раніцай у некаторых раёнах не абыдзецца без слабага туману. Тэмпература паветра ноччу складзе плюс 7-13 градусаў, днём 16-23 градусы.-0-
Падпісвайцеся на нас у
