22 студзеня, Мінск /Кар. БЕЛТА/. Профільная падрыхтоўка супрацоўнікаў міліцыі па раскрыцці злачынстваў у сферы высокіх тэхналогій пачнецца ў Акадэміі МУС у верасні. Аб гэтым сёння паведаміў журналістам першы намеснік міністра ўнутраных спраў Іван Падгурскі, перадае карэспандэнт БЕЛТА.
Калі ў 2017 годзе ў Беларусі было зарэгістравана больш за 3 тыс. злачынстваў у ІТ-сферы, то па выніках 2018-га іх колькасць склала амаль 4,7 тыс. "Бачачы гэта, мы пачынаем рабіць пэўныя захады. У прыватнасці, у Акадэміі МУС у верасні 2019 года будзе весціся профільная падрыхтоўка супрацоўнікаў міліцыі па гэтым напрамку", - расказаў Іван Падгурскі.-0-