Мабільная версія
ДЗЯРЖОРГАНЫ

Апошнія навіны
Усе навіны

Абгрунтаванне экалагічнай бяспекі БелАЭС адпавядае рэкамендацыям МАГАТЭ - экспертная камісія

Грамадства 30.10.2019 | 17:11
Фота з архіва
Фота з архіва

30 кастрычніка, Мінск /Кар. БЕЛТА/. У Міністэрства энергетыкі Беларусі паступіла падагульняючае заключэнне экспертнай камісіі Міжнароднай грамадскай экалагічнай экспертызы матэрыялаў, якія абгрунтоўваюць экалагічную бяспеку Беларускай АЭС, паведамілі БЕЛТА ў "Расатаме".

У верасні бягучага года незалежная група міжнародных экспертаў з васьмі краін (Літва, Казахстан, Венгрыя, Аўстрыя, Італія, Беларусь, Украіна, Расія) па ініцыятыве Мінэнерга і пры падтрымцы Фонду садзейнічання развіццю муніцыпальных утварэнняў "Асацыяцыя тэрыторый размяшчэння атамных электрастанцый" правяла комплексны аналіз дакументаў, якія абгрунтоўваюць экалагічную бяспеку Беларускай АЭС.

У падагульняючым заключэнні экспертнай камісіі адзначана, што ў прадстаўленых дакументах даецца вычарпальны агляд запланаваных мерапрыемстваў па забеспячэнні ядзернай, радыяцыйнай і экалагічнай бяспекі. Ён цалкам адпавядае нормам і правілам, устаноўленым заканадаўствам Беларусі і рэкамендацыямі МАГАТЭ. Магчымае ўздзеянне на навакольнае асяроддзе ў час эксплуатацыі АЭС знаходзіцца ў дапушчальных межах. У заключэнні падкрэслена, што змераны да размяшчэння ядзернага паліва і пачатку эксплуатацыі БелАЭС "нулявы фон" будзе з'яўляцца пунктам для далейшай ацэнкі радыеэкалагічнага ўздзеяння АЭС.

Эксперты таксама адзначылі добра арганізаванае ўзаемадзеянне і рэгулярнае інфармаванне насельніцтва аб ходзе рэалізацыі праекта, што садзейнічае павышэнню актыўнасці зацікаўленых слаёў насельніцтва, у тым ліку грамадскіх арганізацый.

У якасці рэкамендацыі прапануецца пры эксплуатацыі атамнай электрастанцыі прыцягваць міжнародных спецыялістаў і незалежных экспертаў для маніторынгу радыеэкалагічнага становішча ў зоне назірання.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральны падрадчык будаўніцтва БелАЭС - інжынірынгавы дывізіён дзяржкарпарацыі "Расатам" (АБЭ).-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.