Мабільная версія
ДЗЯРЖОРГАНЫ

Апошнія навіны
Усе навіны

Аб'екты ў Студэнцкай вёсцы адпавядаюць усім патрабаванням для пражывання ўдзельнікаў Еўрапейскіх гульняў - Румас

Грамадства 25.04.2019 | 18:06
Сяргей Румас
Сяргей Румас

25 красавіка, Мінск /Кар. БЕЛТА/. Аб'екты ў Студэнцкай вёсцы адпавядаюць усім патрабаванням для пражывання ўдзельнікаў Еўрапейскіх гульняў, заявіў сёння журналістам прэм'ер-міністр Сяргей Румас у час выязднога пасяджэння Рэспубліканскага арганізацыйнага камітэта па падрыхтоўцы і правядзенні II Еўрапейскіх гульняў, перадае карэспандэнт БЕЛТА.

Пасяджэнне аргкамітэта праходзіць сёння ў Студэнцкай вёсцы (на перыяд Гульняў стане Вёскай спартсменаў) пад старшынствам прэм'ер-міністра. Члены аргкамітэта агледзелі транспартны мол, інтэрнаты БДУІР і БДУ, аб'ект харчавання для ўдзельнікаў Еўрапейскіх гульняў. "Мы дамовіліся, што чарговае пасяджэнне арганізацыйнага камітэта правядзём непасрэдна на аб'екце, і сёння члены аргкамітэта знаёмяцца з часовай інфраструктурай. У прыватнасці, мы агледзелі аб'ект для харчавання спартсменаў, якія будуць пражываць у Студэнцкай вёсцы. Ён быў пабудаваны за рэкордныя тэрміны - за 3,5 месяца - і дасць магчымасць штодзень забяспечваць харчаваннем да 2 тыс. спартсменаў. Члены аргкамітэта таксама наведалі некалькі інтэрнатаў, дзе будуць пражываць спартсмены, пераканаліся ў тым, што ўсе пакоі адрамантаваны, у іх устаноўлена новая мэбля. Для спартсменаў высокага росту зроблены падоўжаныя ложкі. Нумары адпавядаюць усім патрабаванням для пражывання ўдзельнікаў II Еўрапейскіх гульняў", - сказаў Сяргей Румас.

На пасяджэнні аргкамітэта абмяркоўвалася арганізацыя харчавання ўдзельнікаў Гульняў у Вёсцы спартсменаў, харчавання на спартыўных аб'ектах, а таксама падрыхтоўкі Вёскі спартсменаў да прыёму ўдзельнікаў.

II Еўрапейскія гульні пройдуць у Мінску з 21 па 30 чэрвеня. Больш за 4 тыс. атлетаў з 50 краін разыграюць 199 камплектаў узнагарод у 15 відах спорту.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.