Версія для друку:
+
Карцінкі
Друк

Навіны Беларусі

У Казахстане прайшла цырымонія інаўгурацыі прэзідэнта

У свеце 12.06.2019 | 13:01
Фота Tengrinews.kz
Фота Tengrinews.kz

12 чэрвеня, Мінск /Кар. БЕЛТА/. Касым-Жамарт Такаеў у Палацы незалежнасці Нур-Султана прынёс прысягу народу Казахстана і афіцыйна заняў пасаду кіраўніка дзяржавы, паведамляе Tengrinews.kz.

"Урачыста клянуся верна служыць народу Казахстана, кіравацца строга Канстытуцыяй і законамі Рэспублікі Казахстан, гарантаваць правы і свабоды грамадзян, добрасумленна выконваць ускладзеныя на мяне высокія абавязкі прэзідэнта Рэспублікі Казахстан", - сказаў Касым-Жамарт Такаеў, паклаўшы правую руку на Канстытуцыю.

Пасля гэтага прагучаў дзяржаўны гімн і артылерыйскія салюты ў гонар прэзідэнта. Пасля заканчэння цырымоніі кіраўнік Цэнтральнай выбарчай камісіі Берык Імашаў уручыў пасведчанне і сімвалы кіраўніка дзяржавы.

У нядзелю ў Казахстане прайшлі пазачарговыя прэзідэнцкія выбары, на якіх з сямі прэтэндэнтаў перамогу атрымаў Касым-Жамарт Такаеў, набраўшы 70,96 працэнта галасоў выбаршчыкаў.-0-

Вы можаце знайсці гэту старонку па наступным адрасе:
https://blr.belta.by/world/view/u-kazahstane-prajshla-tsyrymonija-inauguratsyi-prezidenta-78789-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА