Версія для друку:
+
Карцінкі
Друк

Навіны Беларусі

Кіраўнік НАК Японіі пакіне пасаду на фоне карупцыйнага скандалу

У свеце 19.03.2019 | 15:05
Фота NHK
Фота NHK

19 сакавіка, Мінск /Кар. БЕЛТА/. Кіраўнік Нацыянальнага алімпійскага камітэта (НАК) Японіі Цунэкадзу Такэда на фоне абвінавачанняў у карупцыі заявіў аб выхадзе ў адстаўку, паведамляе японская тэлерадыёкампанія NHK.

Кіраўнік японскага НАК пакіне пасаду ў чэрвені 2019 года, пасля таго, як скончыцца тэрмін яго паўнамоцтваў. Цунэкадзу Такэда таксама мае намер выйсці са складу Міжнароднага алімпійскага камітэта (МАК).

Паводле даных японскага выдання The Mainichi Shimbun, галоўным кандыдатам на пасаду кіраўніка НАК з'яўляецца вядомы японскі дзюдаіст, алімпійскі чэмпіён Ясухіра Ямасіта.

Цунэкадзу Такэда быў абвінавачаны ў карупцыі французскай паліцыяй. Абвінавачанні звязаны з поспехам заяўкі Токіа на правядзенне Алімпійскіх гульняў 2020 года. Францыя лічыць, што Такэда, які ўзначальваў заявачны камітэт, незаконна дабіўся галасавання на карысць сваёй краіны. Сам Цунэкадзу Такэда настойваў на свёй невінаватасці.

Заклікі да адстаўкі Такэда настойліва гучалі як за мяжой, так і ў самой Японіі. Занепакоенасць у сувязі з негатыўным уплывам карупцыйнага скандалу на імідж Алімпіяды выказваў Міжнародны алімпійскі камітэт.-0-

Вы можаце знайсці гэту старонку па наступным адрасе:
https://blr.belta.by/world/view/kiraunik-nak-japonii-pakine-pasadu-na-fone-karuptsyjnaga-skandalu-76612-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА