Версія для друку:
+
Карцінкі
Друк

Апошнія навіны
ІНФАГРАФІКА: ID-картка беларуса
Учора 15:31 Стужка навiн
Усе навіны

Кароль Свазіленда перайменаваў краіну

У свеце 20.04.2018 | 12:24

20 красавіка, Мінск /Кар. БЕЛТА/. Паўднёваафрыканскае каралеўства Свазіленд змяніла назву. Рашэнне аб афіцыйным перайменаванні краіны прыняў кароль Мсваці ІІІ з-за падабенства англійскіх назваў Свазіленда (Swaziland) і Швейцарыі (Switzerland). Аб гэтым паведамляюць інфармагенцтвы.

Адзначаецца, што цяпер дзяржава вярнулася да сваёй гістарычнай назвы - Каралеўства Эсваціні (Kingdom of eSwatini), што ў перакладзе з мясцовай мовы сваці азначае "Зямля свазі". Заява аб перайменаванні прагучала ў час святочнай цырымоніі з нагоды 50-годдзя Мсваці ІІІ, а таксама 50-годдзя незалежнасці дзяржавы.

"Многія афрыканскія краіны пасля набыцця незалежнасці вярнуліся да сваіх старажытных, родных імён", - сказаў Мсваці ІІІ. Ён таксама ўказаў, што з-за назвы дзяржавы часта адбываецца блытаніна: "Кожны раз, калі мы выязджаем за мяжу, людзі думаюць, што мы са Швейцарыі".

Гістарычную назву каралеўства Мсваці ІІІ раней ужо выкарыстоўваў у час сваіх выступленняў. Назву "Эсваціні" кароль агучваў у час прамовы на Генеральнай асамблеі ААН у 2017 годзе, у час саміту Афрыканскага саюза, а таксама на іншых міжнародных канферэнцыях.-0-

Версія для друку
Навіны рубрыкі У свеце
Вы можаце знайсці гэту старонку па наступным адрасе:
https://blr.belta.by/world/view/karol-svazilenda-perajmenavau-krainu-68211-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА