Версія для друку:
+
Карцінкі
Друк

Навіны Беларусі
Апошнія навіны
Усе навіны

Брытанскі парламент прагаласаваў супраць здзелкі аб умовах Brexit

У свеце 16.01.2019 | 12:25
Выступае Тэрэза Мэй. Фота UK Parliament
Выступае Тэрэза Мэй. Фота UK Parliament

16 студзеня, Мінск /Кар. БЕЛТА/. Брытанская Палата абшчын прагаласавала супраць узгодненага ўрадам Вялікабрытаніі і ЕС праекта дагавора аб Brexit. Як паведамляе ВВС, гэта можа прывесці да адстаўкі ўрада, датэрміновых выбараў, адтэрміноўкі Brexit і нават паўторнага рэферэндуму аб членстве Вялікабрытаніі ў ЕС.

Галасаванне, якое адбылося ўвечары 15 студзеня, ужо назвалі катастрафічным паражэннем урада Тэрэзы Мэй. Супраць дагавора прагаласавалі 432 дэпутаты, за яго - 202 дэпутаты. Паражэння ўрада з такім разрывам - 230 галасоў - не было яшчэ ніколі ў гісторыі брытанскага парламента.

Пасля галасавання лідар апазіцыйнай Лейбарысцкай партыі Джэрэмі Корбін аб'явіў, што афіцыйна ўносіць прапанову аб вотуме недаверу ўраду.

Калі вотум будзе вынесены, то кансерватары павінны будуць на працягу двух тыдняў паспрабаваць сфарміраваць новы ўрад большасці, а калі гэта ў іх не атрымаецца, то аб'явіць пазачарговыя выбары.

Акрамя пазачарговых выбараў, магчымы і іншыя варыянты развіцця падзей, большасць з якіх вядзе да адтэрміноўкі фармальнага выхаду Вялікабрытаніі з ЕС, які па плане павінен адбыцца 29 сакавіка. Не выключаны і крайнія варыянты "абвальнага" выхаду без урэгулявання адносін, а таксама адмены Brexit.-0-

Версія для друку
Навіны рубрыкі У свеце
Вы можаце знайсці гэту старонку па наступным адрасе:
https://blr.belta.by/world/view/brytanski-parlament-pragalasavau-suprats-zdzelki-ab-umovah-brexit-75035-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА