Версія для друку:
+
Карцінкі
Друк
Навіны Беларусі

Аргкамітэт АГ-2018 паведаміў пра 128 выпадкаў выяўлення норавіруса

У свеце 08.02.2018 | 18:02

8 лютага, Мінск /Кар. БЕЛТА/. Арганізацыйны камітэт Алімпійскіх гульняў у Пхёнчхане паведаміў аб выяўленні ў алімпійскай зоне 128 пацверджаных выпадкаў заражэння норавірусам, перадае ТАСС.

Толькі за сённяшні дзень было выяўлена 42 новыя выпадкі норавіруса, 34 з якіх былі выяўлены ў супрацоўнікаў службы бяспекі ў маладзёжным цэнтры Хорэб. Яшчэ 8 выпадкаў выяўлена ў раёне Ганьнун. Усе хворыя змешчаны на каранцін.

Улады Рэспублікі Карэя запэўнілі, што прымаюць усе неабходныя меры ў сувязі з выяўленнем норавіруса. У прыватнасці, правяраюцца рэстараны, пітная і водаправодная вада, а таксама ўстаноўкі па ачыстцы вады.

Норавірус - узбуджальнік кішэчнай інфекцыі, які перадаецца харчовым, водным або кантактна-бытавым шляхам. Гэты вірус надзвычай заразны, калі трапляе ў арганізм, ён можа выклікаць агульную слабасць, павышэнне тэмпературы, галаўны боль, млоснасць або рвоту, дыярэю. Перыяд часу з моманту заражэння і да з'яўлення сімптомаў звычайна складае 12-48 гадзін.-0-

Вы можаце знайсці гэту старонку па наступным адрасе:
https://blr.belta.by/world/view/argkamitet-ag-2018-pavedamiu-pra-128-vypadkau-vyjaulennja-noravirusa-66060-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА