Версія для друку:
+
Карцінкі
Друк

Навіны Беларусі

Уладзімір Самсонаў будзе капітанам і сцяганосцам зборнай Беларусі на II Еўрапейскіх гульнях

Спорт 20.06.2019 | 16:40

20 чэрвеня, Мінск /Кар. БЕЛТА/. Уладзімір Самсонаў будзе капітанам беларускай каманды на II Еўрапейскіх гульнях у Мінску. Такое рашэнне прынята на агульным сходзе зборнай Беларусі ў Вёсцы атлетаў, паведамілі БЕЛТА ў прэс-службе Нацыянальнага алімпійскага камітэта.

Уладзімір Самсонаў таксама будзе сцяганосцам беларускай дэлегацыі ў час цырымоніі адкрыцця II Еўрапейскіх гульняў, якая пройдзе 21 чэрвеня на мінскім стадыёне "Дынама".

Уладзімір Самсонаў з'яўляецца шматгадовым лідарам зборнай Беларусі па настольным тэнісе, заваяваў нямала ўзнагарод на чэмпіянатах свету і Еўропы, быў удзельнікам шасці Алімпійскіх гульняў. Ён адзначыў, што для яго вялікі гонар стаць капітанам і сцяганосцам беларускай дружыны на такой знакавай падзеі, тым больш у родным горадзе.

Клятву ад імя ўсіх спартсменаў на адкрыцці гульняў у Мінску будзе зачытваць чэмпіёнка I Еўрапейскіх гульняў па жаночай барацьбе беларуская спартсменка Васіліса Марзалюк. Даведаўшыся аб гэтым, яна сказала, што вельмі хвалюецца і рада таму, што выканаць такі ганаровы абавязак даверана ёй.

II Еўрапейскія гульні пройдуць у Мінску з 21 па 30 чэрвеня. Больш за 4 тыс. спартсменаў з 50 краін разыграюць 200 камплектаў узнагарод.-0-

Вы можаце знайсці гэту старонку па наступным адрасе:
https://blr.belta.by/sport/view/uladzimir-samsonau-budze-kapitanam-i-stsjaganostsam-zbornaj-belarusi-na-ii-eurapejskih-gulnjah-78981-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА