Версія для друку:
+
Карцінкі
Друк

Навіны Беларусі

Прэзентацыя ІІ Еўрапейскіх гульняў і баскетбольнага турніру 3х3 адбылася ў Мюнхене

Спорт 24.05.2019 | 19:55

24 мая, Мінск /Кар. БЕЛТА/. Прэзентацыя II Еўрапейскіх гульняў і турніру па баскетболе 3х3, уключанага ў праграму прэстыжнага форуму, адбылася на Генеральнай асамблеі ФІБА-Еўропа, паведамілі карэспандэнту БЕЛТА ў Беларускай федэрацыі баскетбола.

У асамблеі, якая праходзіць у Мюнхене 24-25 мая, прымаюць удзел кіраўнікі нацыянальных федэрацый Еўропы, прэзідэнт ФІБА Арасіа Мураторэ, генеральны сакратар ФІБА Андрэас Загкліс. Нашу краіну прадстаўляе дэлегацыя на чале са старшынёй Беларускай федэрацыі баскетбола Максімам Рыжанковым.

Генеральны сакратар і выканаўчы дырэктар БФБ Настасся Марыніна расказала ўдзельнікам асамблеі аб спаборніцтвах па баскетболе 3х3 у чэрвені ў Мінску, у якіх прымуць удзел 16 мацнейшых мужчынскіх і жаночых каманд. Размова таксама ішла аб інфраструктуры, магчымасцях бязвізавага ўезду ў Беларусь і турыстычных пакетах для арганізаваных груп балельшчыкаў.

Свой удзел у II Еўрапейскіх гульнях у якасці госця пацвердзіў выканаўчы дырэктар Міжнароднай федэрацыі баскетбола ў Еўропе Каміль Новак. Чакаецца візіт у Мінск і прэзідэнта ФІБА-Еўропа, выбары якога адбудуцца ў Мюнхене заўтра, 25 мая.

"Многія кіраўнікі ФІБА і ФІБА-Еўропа, а таксама прадстаўнікі нацыянальных федэрацый ужо шмат разоў наведвалі нашу краіну. Усе яны адзначаюць выдатную арганізацыю мерапрыемстваў, якія праводзяцца ў Беларусі, прыгажосць сталіцы і высокі ўзровень спорту ў краіне пры падтрымцы кіраўніка дзяржавы. У час перагавораў з кіраўнікамі нацыянальных федэрацый дасягнуты дамоўленасці аб падтрымцы ініцыятыў Беларусі па пытаннях правядзення вялікіх спартыўных турніраў у нашай краіне, а таксама ў рэалізацыі сумесных праектаў", - расказаў Максім Рыжанкоў.-0-

Вы можаце знайсці гэту старонку па наступным адрасе:
https://blr.belta.by/sport/view/prezentatsyja-ii-eurapejskih-gulnjau-i-basketbolnaga-turniru-3h3-adbylasja-u-mjunhene-78363-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА