Версія для друку:
+
Карцінкі
Друк

Навіны Беларусі
Апошнія навіны
Усе навіны

Футбалісты салігорскага "Шахцёра" атрымалі медалі і пачалі падрыхтоўку да сезона

Спорт 10.01.2019 | 16:32
У час узнагароджання. Фота ФК "Шахцёр"
У час узнагароджання. Фота ФК "Шахцёр"

10 студзеня, Мінск /Кар. БЕЛТА/. Сярэбраныя прызёры чэмпіянату Беларусі-2018 футбалісты салігорскага "Шахцёра" сёння пачалі падрыхтоўку да новага сезона. А напярэдадні ігракам і трэнерам каманды былі ўручаны медалі, паведамілі карэспандэнту БЕЛТА ў прэс-службе "Шахцёра".

Першы вучэбна-трэніровачны збор падапечныя Сяргея Ташуева праводзяць у Мінску, а потым адправяцца на зборы ў Турцыю. На першым з іх, які пройдзе з 17 да 31 студзеня, гарнякі плануюць правесці 4 кантрольныя матчы: 19 студзеня з венгерскім "Уйпештам" з Будапешта, 25 студзеня з харвацкім "Хайдукам" са Спліта, 30 студзеня з балгарскай "Вітошай" і чэшскім клубам "Славацка". У час другога збору (4-18 лютага) "Шахцёр" таксама правядзе 4 спарынгі: 6 лютага з расійскім "Арэнбургам", 13 лютага з латвійскім "Спартаком" з Юрмалы і расійскім "Рубінам" з Казані, 17 лютага з украінскай "Александрыяй". Трэці трэніровачны збор салігорскія футбалісты правядуць з 23 лютага па 7 сакавіка таксама ў Турцыі.-0-

Версія для друку
Навіны рубрыкі Спорт
Вы можаце знайсці гэту старонку па наступным адрасе:
https://blr.belta.by/sport/view/futbalisty-saligorskaga-shahtsera-atrymali-medali-i-pachali-padryhtouku-da-sezona-74896-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА