Версія для друку:
+
Карцінкі
Друк

Апошнія навіны
Усе навіны

Чэмпіянат Беларусі па хакеі будзе падзелены на два дывізіёны – Шапіра

Спорт 14.04.2018 | 10:31
Сямён Шапіра
Сямён Шапіра

14 красавіка, Мінск /Кар. БЕЛТА/. Чэмпіянат Беларусі па хакеі будзе падзелены на два дывізіёны - А і В, па сілах каманд. Аб гэтым паведаміў сёння старшыня асацыяцыі "Федэрацыя хакея Рэспублікі Беларусь" Сямён Шапіра на прэс-канферэнцыі ў Мінску, перадае карэспандэнт БЕЛТА.

Паводле слоў кіраўніка ФХРБ, у наступным сезоне ў вядучых клубаў колькасць матчаў павялічыцца да 56. Востра стаяла пытанне аб колькасці легіянераў у беларускіх клубах. Цяпер іх 35, прычым 25 з іх - расійскія хакеісты. Прынята рашэнне, што ў адным матчы кожная каманда можа выкарыстоўваць да 5 легіянераў. Што датычыцца спрэчак аб маладых іграках - вырашана, што кожная каманда можа заявіць 7 ігракоў, чый узрост вышэйшы за 28 гадоў.

На думку Сямёна Шапіры, вопытныя хакеісты будуць дапамагаць сваім маладым калегам расці ў прафесійным плане. Ён лічыць, што ў беларускім хакеі нямала маладых таленавітых ігракоў, напрыклад, Іван Кульбакоў, Павел Варабей, Артур Гаўрус, Андрэй Бялевіч, які ўчора ў гульні са Швейцарыяй паказаў добры ўзровень.

Сямён Шапіра падкрэсліў, што ўсе гэтыя рашэнні прымаліся калегіяльна на нарадзе з удзелам трэнераў і кіраўнікоў усіх беларускіх клубаў. Калі будуць яшчэ нейкія канструктыўныя прапановы, то іх таксама можна абмеркаваць, да новага сезона яшчэ нямала часу.-0-

Версія для друку
Навіны рубрыкі Спорт
Вы можаце знайсці гэту старонку па наступным адрасе:
https://blr.belta.by/sport/view/chempijanat-belarusi-pa-hakei-budze-padzeleny-na-dva-dyvizieny-shapira-68066-2018/
БЕЛТА - Навiны Беларусi, © Аўтарскае права належыць БЕЛТА, 1999-2018 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА