Версія для друку:
+
Карцінкі
Друк

Навіны Беларусі

Арына Сабаленка выйшла ў паўфінал тэніснага турніру ў Страсбургу

Спорт 24.05.2019 | 10:37
Арына Сабаленка. Фота арганізатараў турніру
Арына Сабаленка. Фота арганізатараў турніру

23 мая, Мінск /Кар. БЕЛТА/. Беларуская тэнісістка Арына Сабаленка (11-ы нумар сусветнага рэйтынгу) прабілася ў паўфінал турніру ў французскім Страсбургу з прызавым фондам $250 тыс., паведамляе карэспандэнт БЕЛТА.

23 мая ў паядынку 1/4 фіналу Арына Сабаленка сустракалася з алімпійскай чэмпіёнкай Монікай Пуіг (61) і ўпэўнена выйграла першы сэт з лікам 6:1. У другой партыі беларуска вяла 2:0, 3:2, але затым саперніца здолела перахапіць ініцыятыву і ўзяла 4 геймы запар - 6:3. У вырашальным сэце перавага была на баку беларускай тэнісісткі - 6:2.

У матчы за выхад у фінал Арына Сабаленка згуляе з украінкай Даянай Ястрэмскай (42). У другім заўтрашнім паўфінале сустрэнуцца дзве французскія тэнісісткі - Каралін Гарсія (24) і Хлоэ Пакэ (223).

На старце турніру беларуска перамагла кітаянку Чжу Лінь (108) - 6:0, 6:1, а ў 1/8 фіналу перамагла нямецкую тэнісістку Лаўру Зігемунд (99) - 6:4, 6:3.

Спаборніцтвы ў Страсбургу завершацца 25 мая, пасля чаго мацнейшыя тэнісісткі планеты перабазіруюцца ў Парыж, дзе 26 мая на кортах "Ралан Гарос" стартуе другі ў сезоне турнір серыі "Вялікага шлема" - адкрыты чэмпіянат Францыі.-0-

Вы можаце знайсці гэту старонку па наступным адрасе:
https://blr.belta.by/sport/view/aryna-sabalenka-vyjshla-u-paufinal-tenisnaga-turniru-u-strasburgu-78331-2019
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА