Версія для друку:
+
Карцінкі
Друк

Навіны Беларусі

Абаронца жодзінскага ФК "Тарпеда-БелАЗ" Аляксандр Паўлавец перайшоў у "Дынама-Брэст"

Спорт 11.01.2019 | 12:59
Аляксандр Паўлавец. Фота ФК "Дынама-Брэст"
Аляксандр Паўлавец. Фота ФК "Дынама-Брэст"

11 студзеня, Мінск /Кар. БЕЛТА/. Абаронца Аляксандр Паўлавец перайшоў з жодзінскага "Тарпеда-БелАЗ" у брэсцкае "Дынама". Кантракт з 22-гадовым футбалістам падпісаны на год з магчымасцю прадаўжэння на такі ж тэрмін, паведамілі БЕЛТА ў прэс-службе брастаўчан.

Раней склад брэсцкага "Дынама" папоўніў форвард нацыянальнай зборнай Беларусі Дзяніс Лапцеў, які выступаў у салігорскім "Шахцёры".

Тым часам кантрольна-дысцыплінарны камітэт асацыяцыі "Беларуская федэрацыя футбола" прыняў рашэнне забараніць брэсцкаму "Дынама" ажыццяўляць рэгістрацыю новых ігракоў. Гэта звязана з тым, што ФК "Дынама-Брэст" дагэтуль не выплаціў кампенсацыю гродзенскаму "Нёману" за пераход Паўла Савіцкага.

Футбалісты брэсцкага "Дынама" пачнуць падрыхтоўку да новага сезона 14 студзеня. Першы вучэбна-трэніровачны збор яны правядуць у ААЭ, а другі ў Турцыі.-0-

Вы можаце знайсці гэту старонку па наступным адрасе:
https://blr.belta.by/sport/view/abarontsa-zhodzinskaga-fk-tarpeda-belaz-aljaksandr-paulavets-perajshou-u-dynama-brest-74920-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА