Версія для друку:
+
Карцінкі
Друк

Навіны Беларусі
Апошнія навіны
Усе навіны

Цэны на кватэры ў Мінску восенню стабілізаваліся

Грамадства 13.12.2018 | 19:55

13 снежня, Мінск /Кар. БЕЛТА/. У Мінску цэны на кватэры восенню стабілізаваліся на ўзроўні Br2,6-2,68 тыс. за 1 кв.м, паведамілі карэспандэнту БЕЛТА ў Нацыянальным кадастравым агенцтве Дзяржаўнага камітэта па маёмасці.

"За мінулыя тры месяцы восені цэны на кватэры змяняліся ў межах 1 працэнта. У лістападзе цана 1 кв.м склала Br2,68 тыс., што на 14,5 працэнта больш, чым у студзені бягучага года. На працягу адзінаццаці месяцаў цэны былі вышэйшыя ў сярэднім на 18 працэнтаў у параўнанні з аналагічным перыядам 2017 года", - расказалі ў агенцтве.

У лістападзе ў сталіцы зафіксавана 989 ​​здзелак куплі-продажу (без уліку продажу долей і пакояў). Гэта на 16 працэнтаў менш, чым у кастрычніку, і на 11 працэнтаў - у параўнанні з пачаткам года. На куплю кватэр было патрачана Br140 млн, што на 2 працэнты менш, чым у студзені.

На працягу ўсяго года доля здзелак куплі-продажу з кватэрамі на першасным рынку зніжалася. У лістападзе гэты паказчык склаў усяго 5 працэнтаў, у жніўні - 8 працэнтаў, у маі - 12 працэнтаў, сакавіку - 16 працэнтаў. Першасны рынак - кватэры ў жылых шматкватэрных дамах, продаж якіх ажыццяўляецца на працягу 365 дзён з дня ўводу дома ў эксплуатацыю.

За лістапад у іпатэку ў Мінску было набыта ўсяго 16 кватэр. У цэлым у Беларусі купля кватэр у іпатэку не карыстаецца вялікім попытам.

Статыстычная інфармацыя заснавана на даных рэестра цэн Нацыянальнага кадастравага агенцтва Дзяржкаммаёмасці.-0-

Версія для друку
Навіны рубрыкі Грамадства
Вы можаце знайсці гэту старонку па наступным адрасе:
https://blr.belta.by/society/view/tseny-na-kvatery-u-minsku-vosennju-stabilizavalisja-74430-2018/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА