Версія для друку:
+
Карцінкі
Друк

Навіны Беларусі
Апошнія навіны
Усе навіны

Партызанскі летапіс: Брыгада "Дзядзькі Косці". Пра Героя Савецкага Саюза Заслонава

Грамадства 09.01.2019 | 11:40

9 студзеня, Мінск /Кар. БЕЛТА/. Пра подзвігі яго брыгады складалі аповесці і паэмы. За яго галаву гітлераўцы абяцалі 50 тыс. марак, жалезны крыж і два вялікія маёнткі ў Германіі. Адважны камбрыг Канстанцін Заслонаў стаў легендай яшчэ пры жыцці. З невялікага атрада дабравольцаў-чыгуначнікаў ён стварыў адну з самых паспяховых дыверсійных брыгад, якая наводзіла жах на нямецкіх захопнікаў у лясах Віцебшчыны.

Чарговая старонка сумеснага праекта БЕЛТА і Беларускага дзяржаўнага музея ВАВ - "Партызанскі летапіс. Брыгада "Дзядзькі Косці". Пра Героя Савецкага Саюза Канстанціна Заслонава" - прысвячаецца камандуючаму партызанскімі сіламі Аршанскай зоны ў 1941-1942 гадах.

Асновай праекта стала ўнікальная калекцыя рукапісных партызанскіх часопісаў, якая захоўваецца ў Беларускім дзяржаўным музеі гісторыі Вялікай Айчыннай вайны і мае статус гісторыка-культурнай каштоўнасці катэгорыі "1" міжнароднага значэння. Штотыднёва мы расказваем аб гэтых хроніках і публікуем іх алічбаваныя версіі. Кожная з іх паказвае розныя старонкі жыцця партызанскіх фарміраванняў, раскрывае думкі і пачуцці людзей, якія рызыкнулі весці бой у тыле ворага.

Да 3 ліпеня 2019 года БЕЛТА будзе публікаваць партызанскія часопісы, дапаўняючы ўнікальны тэкставы кантэнт архіўнымі фатаграфіямі агенцтва.-0-

Версія для друку
Навіны рубрыкі Грамадства
Вы можаце знайсці гэту старонку па наступным адрасе:
https://blr.belta.by/society/view/partyzanski-letapis-brygada-dzjadzki-kostsi-pra-geroja-savetskaga-sajuza-zaslonava-74844-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА