Версія для друку:
+
Карцінкі
Друк

Навіны Беларусі

Качанава па даручэнні Прэзідэнта сустрэлася ў Магілёве з прадстаўнікамі цыганскай дыяспары

Грамадства 23.05.2019 | 18:20

23 мая, Мінск /Кар. БЕЛТА/. Па даручэнні Прэзідэнта Беларусі кіраўнік Адміністрацыі Прэзідэнта Наталля Качанава сёння ў Магілёве сустрэлася з прадстаўнікамі мясцовай цыганскай дыяспары, паведамляе карэспандэнт БЕЛТА.

Падставай для размовы сталі скаргі, агучаныя ў сродках масавай інфармацыі, на парушэнні ў ходзе праверачных мерапрыемстваў па факце гібелі інспектара ДПС Яўгена Патаповіча. Тых, хто звярнуўся, Прэзідэнт пачуў, накіраваўшы свайго прадстаўніка для грунтоўнай размовы.

Наталля Качанава за сітуацыю, што здарылася, прадстаўнікам мясцовай дыяспары прынесла прабачэнні, калі сапраўды ў час расследавання абставін справы мелі месца факты некарэктных дзеянняў. Таксама кіраўнік Адміністрацыі акцэнтавала ўвагу, што па ўсіх скаргах і зваротах будуць праведзены разборы, і асабліва адзначыла, што міжэтнічны мір і згода ў нашай краіне з'яўляюцца безумоўным прыярытэтам.-0-

Вы можаце знайсці гэту старонку па наступным адрасе:
https://blr.belta.by/society/view/kachanava-pa-daruchenni-prezidenta-sustrelasja-u-magileve-z-pradstaunikami-tsyganskaj-dyjaspary-78321-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА