Версія для друку:
+
Карцінкі
Друк

Навіны Беларусі

Апошні званок празвініць 29 мая для 26 тыс. выпускнікоў Мінска

Грамадства 22.05.2019 | 12:14
Фота з архіва
Фота з архіва

22 мая, Мінск /Кар. БЕЛТА/. Апошні званок празвініць 29 мая больш як для 26 тыс. навучэнцаў 9-х і 11-х класаў сталічных устаноў адукацыі. Аб гэтым паведаміла сёння журналістам начальнік аддзела дашкольнай, агульнай сярэдняй і спецыяльнай адукацыі камітэта па адукацыі Мінгарвыканкама Марына Ілюшчэня, перадае карэспандэнт БЕЛТА.

"На ўзроўні базавай школы завершаць навучанне больш як 15 тыс. выпускнікоў, на ўзроўні сярэдняй школы - 9 тыс. хлопчыкаў і дзяўчынак", - праінфармавала Марына Ілюшчэня.

Начальнік аддзела выхаваўчай і ідэалагічнай работы камітэта па адукацыі Мінгарвыканкама Ганна Рысявец адзначыла, што апошні званок для мінскіх школьнікаў празвініць 29 мая - у гэты дзень з 10 раніцы ва ўсіх установах адукацыі пачнуцца ўрачыстыя лінейкі, прысвечаныя заканчэнню навучальнага года, а ў другой палове дня для выпускнікоў будуць арганізаваны канцэртныя і забаўляльныя праграмы. Па ўзгадненні з бацькоўскімі камітэтамі асобныя групы школьнікаў адправяцца на экскурсіі і ў падарожжы.

30 мая рэспубліканскі апошні званок пройдзе ў Оршы, у мерапрыемстве прымуць удзел і выпускнікі сталіцы.

Экзамены будуць праведзены ў перыяд з 1 па 8 чэрвеня.

Урачыстыя мерапрыемствы па ўручэнні атэстатаў на базе ўстаноў адукацыі пройдуць 8 чэрвеня з 20.00 на базе ўстаноў адукацыі. У выключных выпадках з улікам абмежаваных магчымасцей школ па ўзгадненні з адміністрацыяй раёна і камітэтамі па адукацыі выпускныя дазволяць праводзіць і ў іншых сацыякультурных цэнтрах.-0-

Вы можаце знайсці гэту старонку па наступным адрасе:
https://blr.belta.by/society/view/aposhni-zvanok-prazvinits-29-maja-dlja-26-tys-vypusknikou-minska-78265-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА