Версія для друку:
+
Карцінкі
Друк

Навіны Беларусі

Лукашэнка: напружаны дыялог ЗША, Кітая, Індыі і Расіі стварае некамфортную рэальнасць для ўсяго свету

Прэзідэнт 19.04.2019 | 15:55

19 красавіка, Мінск /Кар. БЕЛТА/. Напружаны дыялог ЗША, Кітая, часткова Індыі і Расіі стварае некамфортную рэальнасць для ўсёй сусветнай супольнасці. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.

"Новую рэальнасць, мякка кажучы, некамфортную для ўсёй сусветнай супольнасці, стварае напружанасць палітычнага дыялогу буйнейшых сусветных дзяржаў - ЗША, Кітая, часткова Індыі і Расіі", - сказаў Аляксандр Лукашэнка.

Ламаюцца механізмы глабальнага стрымлівання, а намер ЗША выйсці з Дагавора аб ліквідацыі ракет сярэдняй і меншай далёкасці пагражае непрадказальнымі наступствамі, звярнуў увагу Прэзідэнт.

"Нас не можа не хваляваць узмацненне ваенных сіл НАТА і ЗША ў суседніх дзяржавах. Гэта рэаліі, якія патрабуюць умацавання баявой моцы Узброеных Сіл Беларусі, прыняцця мер для забеспячэння нашай бяспекі", - адзначыў кіраўнік дзяржавы.

Беларусь, удасканальваючы абараназдольнасць, наколькі магчыма развівае ўзаемадзеянне ў фармаце АДКБ, прымае ўдзел у манеўрах, павышае эфектыўнасць рэгіянальнай групоўкі войскаў. Сумесна з галоўным саюзнікам краіна рыхтуецца да правядзення беларуска-расійскага вучэння "Шчыт Саюза - 2019".-0-

Вы можаце знайсці гэту старонку па наступным адрасе:
https://blr.belta.by/president/view/lukashenka-napruzhany-dyjalog-zsha-kitaja-indyi-i-rasii-stvarae-nekamfortnuju-realnasts-dlja-usjago-77518-2019
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА