Версія для друку:
+
Карцінкі
Друк

Навіны Беларусі
Апошнія навіны
Усе навіны

Гранты Прэзідэнта Беларусі выдзеляць 103 работнікам навукі, адукацыі, аховы здароўя і культуры

Прэзідэнт 08.01.2019 | 16:11

8 студзеня, Мінск /Кар. БЕЛТА/. Гранты Прэзідэнта Беларусі на 2019 год будуць прадастаўлены 103 работнікам арганізацый навукі, адукацыі, аховы здароўя і культуры. Адпаведнае распараджэнне кіраўнік дзяржавы Аляксандр Лукашэнка падпісаў 8 студзеня, паведамілі БЕЛТА ў прэс-службе беларускага лідара.

Сродкі выдзеляць на правядзенне даследаванняў і распрацовак у галіне фізіка-матэматычных, тэхнічных, медыцынскіх, біялагічных, хімічных, сельскагаспадарчых, эканамічных навук. Гранты таксама накіруюць на павышэнне якасці навучання вучняў і студэнтаў за кошт распрацоўкі і прымянення новых методык, сучаснага вучэбна-метадычнага забеспячэння, падрыхтоўку ўдзельнікаў міжнародных і рэспубліканскіх алімпіяд.

Акрамя таго, будзе падтрымана распрацоўка новых метадаў дыягностыкі, лячэння і рэабілітацыі ў кардыялогіі, хірургіі, эндакрыналогіі, анкалогіі, анестэзіялогіі, гастраэнтэралогіі, педыятрыі і алергалогіі. Грашовыя сродкі выдзеляць і на стварэнне твораў мастацтва, правядзенне культурна-відовішчных мерапрыемстваў, рэалізацыю наватарскіх праектаў, што будзе садзейнічаць развіццю беларускай культуры і папулярызацыі яе дасягненняў, захаванню нацыянальных духоўных традыцый.

"Прыняцце распараджэння Прэзідэнта накіравана на падтрымку таленавітых спецыялістаў у прыярытэтных для краіны сферах дзейнасці", - падкрэслілі ў прэс-службе.-0-

Версія для друку
Навіны рубрыкі Прэзідэнт
Вы можаце знайсці гэту старонку па наступным адрасе:
https://blr.belta.by/president/view/granty-prezidenta-belarusi-vydzeljats-103-rabotnikam-navuki-adukatsyi-ahovy-zdarouja-i-kultury-74827-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА