Версія для друку:
+
Карцінкі
Друк

Навіны Беларусі
Апошнія навіны
Усе навіны

Эканамічнае і грамадска-палітычнае развіццё Беларусі абмеркавалі на нарадзе ў Лукашэнкі

Прэзідэнт 10.01.2019 | 12:39

10 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка правёў сёння нараду аб сацыяльна-эканамічным развіцці краіны ў 2019 годзе і падыходах да далейшага развіцця інтэграцыйных напрамкаў, перадае карэспандэнт БЕЛТА.

"Няма неабходнасці гаварыць, што святы скончыліся і трэба інтэнсіўна ўключацца ў работу. Год наперадзе нялёгкі, - адзначыў Аляксандр Лукашэнка. - Няма неабходнасці, таму што мы не адпачывалі так, як нашы суседзі, тыдзень-два. Мы даўно пачалі работу, таму настроены на патрэбны лад".

У час нарады кіраўнік дзяржавы прапанаваў абмеркаваць пытанні эканамічнага і грамадска-палітычнага развіцця Беларусі ў 2019 годзе. "Шмат аб гэтым гаворыцца і аб тым, што гэта перадвыбарны год, - гэта сапраўды так. У нас дастаткова пытанняў, якія трэба вырашаць лепш, чым яны вырашаюцца цяпер. Мы ўмеем вырашаць гэтыя пытанні", - сказаў Прэзідэнт.

Паводле яго слоў, трэба абмеркаваць у тым ліку пытанні, звязаныя з развіццём беларуска-расійскіх адносін, узаемадзеяннем краін у фармаце ЕАЭС і АДКБ. Асобную ўвагу кіраўнік дзяржавы мае намер удзяліць вынікам перагавораў з Прэзідэнтам Расіі, якія адбыліся ў канцы снежня мінулага года.

"Усё гэта падлягае абмеркаванню, каб не было ніякіх недагаворванняў і, галоўнае, каб у вас не заставалася нейкіх сумненняў наконт вырашэння важных пытанняў для нашай краіны", - дадаў Аляксандр Лукашэнка.-0-

Версія для друку
Навіны рубрыкі Прэзідэнт
Вы можаце знайсці гэту старонку па наступным адрасе:
https://blr.belta.by/president/view/ekanamichnae-i-gramadska-palitychnae-razvitstse-belarusi-abmjarkouvajuts-na-naradze-u-lukashenki-74882-2019/
БЕЛТА - Навiны Беларусi, © Аўтарскае права належыць БЕЛТА, 1999-2019 г. 
Гіперспасылка на крыніцу абавязковая. Умовы выкарыстання матэрыялаў.
Тэхнiчнае забеспячэнне - БЕЛТА